سيارتي اكسنت 1500 بتقطع في السلانسيه ومبرجله ؟؟؟؟

[d.ezat]

الاخوه الكرام / السلام عليكم ورحمة الله
عندي سياره اكسنت 1500 . بتقطع في السلانسيه وعايزه تقف ... زي ما يكون حد بيشدها من ورا عشان تقف ... وزي ما تكون مبرجله .. واحيانا مع التقطيع بسمع صوت فرقعه خفيفه من الكبوت بس مش عارف احدد منين بالظبط .
غيرت طقم البيوجهات .. وسلك البيوجهات . ومش عارف المشكله فين بالظبط رحت عند 2 ميكانيكيه وبرده مافيش فايده .
ارجو ان الاقي عندكم الافاده
شكرا وتقبلوا تحياتي

[حسام البورسعيدى]

العربية كاربراتير ولا انجكشن ؟؟؟؟

لو انجكشن يبقى عندك رشاش فاصل .. طالما غيرت سلك البوجيهات والبوجيهات يبقى مش فاضل غير الرشاشات ...

بس انت كاربراتير ولا انجكشن ؟؟

[d.ezat]

المشاركة الأصلية كتبت بواسطة حسام البورسعيدى العربية كاربراتير ولا انجكشن ؟؟؟؟ لو انجكشن يبقى عندك رشاش فاصل .. طالما غيرت سلك البوجيهات والبوجيهات يبقى مش فاضل غير الرشاشات ... بس انت كاربراتير ولا انجكشن ؟؟

ـــــــــــــــــــــــــ ـــــــــــــــــــــــــ ــــــ
السلام عليكم اخي الكريم
السياره انجيكشن ... واحيانا مع التقطيع بسمع صوت فرقعه خفيفه من داخل الكبوت بس مش قادر احدد منين بالظبط ..
اشكرك اخي الكريم علي التواصل

[حسام البورسعيدى]

يبقى 99% رشاش فاصل ..

شوف انت هتدور العربية وتفصل فيش الرشاشات بالترتيب .. والمفروض كل ما تفصل فيشة تلاقى الموتور اتبرجل اكتر او بطل لغايه لما تفصل واحدة تلاقى الموتور زى ما هو متغيرش يبقى ده الرشاش اللى فاصل يا باشا ... فاهمنى ؟؟

شوف وقولى يا غالى .....

[d.ezat]

المشاركة الأصلية كتبت بواسطة حسام البورسعيدى يبقى 99% رشاش فاصل .. شوف انت هتدور العربية وتفصل فيش الرشاشات بالترتيب .. والمفروض كل ما تفصل فيشة تلاقى الموتور اتبرجل اكتر او بطل لغايه لما تفصل واحدة تلاقى الموتور زى ما هو متغيرش يبقى ده الرشاش اللى فاصل يا باشا ... فاهمنى ؟؟ شوف وقولى يا غالى .....

فاهمك يا غالي كويس جدا .... بس المشكله فيش الرشاشات مش عارف مكانها فين ..هل هيه جوه علبة الفيوزات ولا فين بالظبط ... منتظر الرد ...وشكرا