سؤالان لأصحاب الدراية والخبرة

[gahloos]

أنا أزعم أن لي دراية ممتازة بالسيارات , ولكن بالتأكيد لا يوجد شخص ملم بكل شيء , ولقد حدثت لي مشكلة , جزء منها غير مفهوم لي . والموضوع بإختصار أنه أثناء سيري بسيارتي الشاهين الجديدة . في العصر والشمس تضرب في عيني بشدة , وأرى الطريق بصعوبة من الشمس , وغير قادر على رؤية الأمبيرات . فوجئت بدخان يتصاعد من كبوت المحرك . ركنت يمين وفتحت الكبوت , فوجدت قربة المياة ممتلئة على الآخربالمياة الخضراء , وبخار الماء يتصاعد بعنف من غطاء القربة , والمروحة لا تدور , وأمبير الحرارة مرتفع على آخر التدريج عند العلامة الحمراء . فقمت بتبطيل السيارة . ولم أكن أعلم مكان فيوز المروحة فضلا عن إني لم يكن معي الآفوميتر الخاص بي لقياس الفيوز . فمكثت بالسيارة وأرسلت إبني لإحضار كهربائي سيارات. وأثناء ذلك هدأت حرارة السيارة . وعاد أمبير الحرارة إلى منتصف التدريج يعني 90 درجة مئوية . ثم حدث شيء غير مفهوم لي , فقد حدث فاكيم أي تفريغ في خراطيم المياة ولصقت جوانبها ببعضها بشدة . وإستمر هذا مدة من الوقت . حتى إنتهى الفاكيم وفكت جوانب الخرطوم من بعضها . وإنني أرجو معرفة سبب ذلك وكذلك معرفة سبب إمتلاء القربة بالمياة عن آخرها وتركها الرادياتير . أكمل لكم القصة . فقد جاء الكهربائي وكشف على فيوز المروحة فوجده تالفا . فقام بغياره بآخر 25 أوم ثم أدرت السيارة وأكملت الرديابير ببطء بالمياة الخضراء . وإنتهت المشكلة . برجاء من أصحاب الخبرة الإجابة على السؤالين الذين طرحتهما . وشكرا .

[Kemo Kono]

انا برضهمش عار تفسير مؤكد ....ومش هفتى زى العديدين ...انا هقول تصورى عن المشكلة :
* بخصوص ترك المياه للريداتير ربما يكون شىء طبيعى لان المياه بتكون فى دورة ولا تثبت فى مكانها و لكن ممكن تكون كانت ناقصة و ده سبب ان الريداتير كان فاضى و القربة فيها مياه و ربما يكون حاجة مسدودة ف الدايرة بتاعت المياه ..بس ازاى و المشكلة اتحلت بعد كده ..عموما انا منتظر افادة من اهل الخبرة ف العموم و المجربين ف الخصوص ...كان نفسى افيدك

[tham1010]

حضرتك بتستخدم ماء أخضر نوعة ايه؟ يمكن تكون المشكلة فيها

يا بشمهندس انا شايف السبب الوحيد ان مفيش تبريد للريداتير لان المروحه مش شغاله فالنفس الوحيد للريداتير هو القربه فالمياه بترد من الريداتير علي القربة وبتطلع علي شكل نافوره وبخار شديد

[aymanay32]

انا المشكلة دى عندى برضة و ملاحظها فى الفترة الاخيرة بعد ما اخدت خبطة قدام و بلاقى الريداتير فاضى و القربة مليانه على الاخر و بفتح غطاء الريداتير و بنفخ فى القربة ترجع الميه للريداتير و دة كل ما اخرج بالعربية و مش عارف ايه الافتكاسة الجديدة دى و لا التفسير المنطقى و ايه الحل بتاعها علشان ترجع العربية زى الاول