مساعدة فى الرداتير ضرورى

[mr.fooz]

السلام عليكم ورحمة الله وبركاتة
انا مش هتطول عليكم انا طالب طلب بسيط انا كنت على الطريق فا ليقت العربية بتهرتل وحرارتها عليت جدا لقيت المؤشر كان هيجيب النهاية وبعدين نزلت ابص فية اية لقيت المروحة شغالة والدنيا زى الفل ببص لقيت الماصورة بتاعت الرداير الى هية واصلة بالفرن بتاع الماكينة مخرومة كل اما ازودلها مية تنقص مش عارف اعمل اية هل هى ممكن تتلحم ولا لا ولا اجبها جديدة واجبها جديدة منين وبكام على شان الميكانيكى قالى لو اتلحمت لحام لمبة هيسيحها اعمل اية بس انا جاتلى فكرة هحاول اجربها هعمل عند الفتحة حتة جلدة والف عليها افيز وااربط علية بس دة لو عملتو ونفع ممكن يبقى حل مؤقت ياريت حد يساعدنى ويقولى ممكن تتلحم ولا لا واجبها جديدة منين وبكام على شان انا مش بمشى بالعربية على شان لما بزودهامية وأمشى شوية القيها سخنت والمروحة تشتغل عادى

[احمد على 1999]

نصيحتى ليك تجيب واحدة جديدة (معرفش منين و لا بكام)
و خلى الميكانيكى يتاكد ان وش السيلندر مفيهوش مشكله (بينفخ ضغط فى الميه)

[mr.fooz]

متشكر جدا احمد لاكن فعلا فى هواء بيخرج من الفتحة الى فى الماصورة دة هواء سخونية ولا دة لية علاقة بوش السلندر

[احمد على 1999]

هى بتبان و تقدر تحكم عليها احسن من قربة الميه (او من غطاء الرادياتير لو مفيش قربة ميه) عند الضغط على دواسة البنزين بيبان زى نفخ فى الميه و بيبقى دلالة على تلف وش السيلندر فى حتة توئدى لهروب ضغط السيلندر الى دورة المياه موئدية الى انهيار اضعف حتة فيها
علشان كده حبيت ابينلك ان ضرورى حد متخصص يتاكد هلى الى خلى الماسورة تبوظ مجرد ان عمرها كده و لا بسبب وش السيلندر لان لو السبب وش السيلندر يبقى لو غيرت الماسورة حتة تانية اضعف حتضرب
و ان شاء الله تطلع كان عمرها كده و الهواء الى حضرتك زى مابتقول ممكن طبيعى فلازم حد خبرة يبص و يحكم
انا بس حبيت اوؤكد على هذه النقطة الهامة الى هى : الاهم من العطل ايه سبب العطل؟ تجنبا لتحمل مصاريف زيادة او التعطل فى وقت و مكان غير مناسبين

[mr.fooz]

لا الحمد لله مفيش تى حاجة فى وش السلندر والعربية زى الفل والماتور بسم الله ماشاء الله السبب ان انا عندى رداتير نحاس فاكان بيصضى كل شوية وعامل صداؤ فا خلا الماسورة تصددى وانا الحمد لله نزل الحرفيين النهاردة جبن الماسورة الاصلى كان اخر وحدة وكرمنى فيها وادانى عليها فلترين بنزين كمان فا قولت خليها نضافة بنضافة روحت فكيت رداتير من نص لسة زيرة وجامد جدا احسن من الجديد واصلى وجبت خراطيم قولت تبقى مرة واحدة بقا والحمد لله بس ان شاء الله هركبهم بكرة بس تفضلو المية الخاضرة ولا عادية لانى مش خبير اوى فى العربيات هوة الداتير الجديد الامونيم