هل ممكن فى مصر اركب ايموبيليزر للفيرنا

[lost2008]

كنت اتمنى يكون الايموبيليزر راكب فى الفيرنا لكن للاسف هنا فى مصر اكتفو بالانذار الخايب, لكن الايموبيليزر حيخلى مستحيل العربية تدور من غير المفتاح المشفر و هوة ده المطلوب, لقيت على النت شركات فى امريكا بتصنع اليموبيليزر و بيركب بدل احدالفيوزات فى العربية و بيعمل وظيفة الفيوز + الايموبيليزر بس طبعا معتقدش انه موجود قى مصر, حد عنده فكرة عن مكان بيركبو فيه الايموبيليزر؟

[Injection]

هو الموضوع مش مستحيل, بالعكس سهل جدا تعمل immobilizer بمفتاح وسلك من الكونتاكت, أو الأفضل تاخد فيوز طلمبة البنزين معاك لما تسيب العربية, والأحسن بقى تروح لكهربائى يركبلك مفتاح على سلك طلمبة البنزين السالب وتخبيه فى مكان كويس وبس العربية مستحيل تدور.

وفى مصر تركيب الجهاز بجد هيبقى صعب قوى وغالى, لأن زى ما حضرتك قلت هتحتاج مفتاح مشفر وده لوحده غالى جدا, وكمان الأيموبيليزار اللى بيبقى نازل مع العربية من الشركة صعب جدا يتشال لأنه بيبقى متداخل مع الموتور كله, أما اللى بيتركب هيبقى فكرته أبسط وسهل خلعه وتركيبه (أكيد ماهو أصلا نازل aftermarket و أكيد universal لكل العربيات

بس فكرة المفتاح اللى على طلمبة البنزين هى أجمد فكرة, تكلفتها قليلة وبسيطة ومستحيل العربية تمشى من غير تشغيل المفتاح.

دى معلوماتى, لو حد من الأعضاء عنده أى أقتلراح تانى يتفضل يقول.