الى خبراء السوزوكى سويفت !!!!

[snoop]

السلام عليكم ورحمة الله وبركاتة


لو سمحت انا عندى مشكلة فى العربية موديل 93 -1300 ان كل لما اقف واجيب الاول واشغل التكييف الاقى العربية بتترج جامد اوى وبتترعش مش عارف هل علشان الموتور 1300 cc ولا ليه العربية كل مرة اشغل التكييف يحصل الموضوع ده !!!
ويا ريت لو حد يعرف ميكانيكى سوزوكى يكون ابن حلال وامين فى الحرفيين يقولى اسموه او رقموه والف شكر كل سنة وانتم طيبين

[snoop]

ايه يا جماعة محدش عارف ولا القسم ده نايم عالاخر ؟؟؟؟؟؟؟؟

[elghanam_egypt]

بص يا سيدى العربيه عايزة ظبط كهربا بس عند الميكانيكى حاجه هتعملها بسرعه ماتقلقش وهيظبطلك التاكيهات والبوجيهات تتنضف
اى خدمه

[hazem_khidr]

قبل الاجابه ارجو توضيح بعض النقاط..
. الموضوع دا بيحصل و العربيه سخنه بس ولا و العربيه بارده كمان؟؟
. لما بتشغل التكييف و انت في وضع السكون ال rbm بيبقي علي كام و لما بتطفي التكييف بيبقي علي كام؟
. لما بتشغل التكييف بتحس برعشه في الموتور ولا صوته بيعلي عادي ؟؟

[snoop]

بص يا سيدى العربيه عايزة ظبط كهربا بس عند الميكانيكى حاجه هتعملها بسرعه ماتقلقش وهيظبطلك التاكيهات والبوجيهات تتنضف
اى خدمه .
الف شكر ليك يا غالى جزاك الله خير

المشاركة الأصلية كتبت بواسطة hazem_khidr قبل الاجابه ارجو توضيح بعض النقاط.. . الموضوع دا بيحصل و العربيه سخنه بس ولا و العربيه بارده كمان؟؟ لا وهيا دايرة وانا ماشى يعنى مجربتش اشغل التكييف وانا راكن صراحة لان الموتور 3 سلندر الميكانيكى قالى ميتحملش فترات طويلة تكيف . لما بتشغل التكييف و انت في وضع السكون ال rbm بيبقي علي كام و لما بتطفي التكييف بيبقي علي كام؟ مجربتش اشغل التكييف وانا راكن علشان كده معرفش بالظبط بيبقا الطبيعى على كام . لما بتشغل التكييف بتحس برعشه في الموتور ولا صوته بيعلي عادي ؟؟ رعشة وهزة فى الموتور اكنوه حيقع من الكبوت وممكن الاقى العربية بتبطل منى وانا ماشى بيها ومشغل التكيف كمان لوحدها كده يبقا ده ايه !! والف شكر ليك استاذى الفاضل