جاك بلا تردد

[ahm2020]

جاك B15 بلا تردد

ده أول موضوع أكتبه عن جاك B15
أولاً أحب أشكر كل الناس المحترمين الموجودين هنا في المنتدى
لأني بقالي فترة كبيرة متابع موضوعاتهم عن العربية و حسيت إن العربية جميلة بس مش واخده حقها بسبب التردد
وده خلانا نوصل لمرحلة الفرخة الأول ولا البيضة يعني العربية حلوة جداً بس ينقصها الإنتشار والإنتشار إزاي هيتم من غير مبيعات

فقررت أبدأ بنفسي وحجزت الجاك B15 رافعاً شعار جاك بلا تردد

وندعو الله جميعاً أن يبارك لنا في عربياتنا سواءً جاك أو غيرها

وبعلن إنضمامي للجاكاوية حبايبي

ياريت كل اللي بيفكر يشتري العربية مايترددش
لأني فكرت كتير جداً وقلت العربية لو انتشرت فعلاً هتبقى على قمة السيارات الصيني في مصر و مش عاوز أقول إنها هتعدي فئة كبيرة من الكوري لأن الواحد محتاج إيه من العربية أكتر من الموجود في الجاك
خامات رائعة
كماليات ممتازة
مساحة داخلية هايلة
شنطة واسعة
سعر معقول جداً بالنسبة للإمكانيات
سعر قطع الغيار ممتاز بالنسبة إلى إنه سعر توكيل
توكيل لم يظهر له عيوب حتى الآن

يعني ينقصها الإنتشار فقط و بمعدل المبيعات الموجود حالياً إن شاء الله العربية دي هتبقى علامة في تاريخ العربيات الصيني في مصر.

أنا حجزتها فضي 2011 من هورس موتورز البطل أحمد عبد العزيز
وفرحت جداً لما عرفت إن الدفعة التالتة موديل 2011 إتوزعت يعني تلات دفعات موديل 2011 إتوزعوا و إحنا لسة في شهر 8

وفي الأخر أنا والله مش تبع التوكيل ولا تبع حد من الموجودين في المنتدى ولا بكتب موضوعات عن الجاك بأكتر من إسم.
أنا إسمي أحمد و بشتغل مبرمج كمبيوتر
في التوكيل بيقولوا لي الاستلام بكره أو بعده إن شاء الله
إدعوا لي ربنا يبارك لي فيها و ما أندمش إني جبتها لأي سبب من الأسباب

[بدر بسيونى]

الف الف مبروك يااحمد باشا ربنا يباركلك فيها يارب ومستنين تقريرك

[ahm2020]

الله يبارك فيك يا أستاذ بدر و أنا متابع لحضرتك من زمان وكان نفسي تتاح ليا الفرصة و أشكرك على مجهودك

[بدر بسيونى]

المشاركة الأصلية كتبت بواسطة ahm2020 الله يبارك فيك يا أستاذ بدر و أنا متابع لحضرتك من زمان وكان نفسي تتاح ليا الفرصة و أشكرك على مجهودك

شكرا ليك يااستاذ احمد وده شرف ليا وربنا يباركلك فيها ومستنين رايك

[ahm2020]

إن شاء الله ربنا يقدرني و أعمل لكم تقرير محايد عنها بالمزايا والعيوب
وتقييم لكل شئ فيها موتور وآداء و ثبات و خامات