اريد المساعدة العاجلة

[ahmedknze]

انا نازل اشترى عربية يوم الخميس وكنت محتار بين الشيفورلية لانوس ولا هيونداى فيرنا
ارجو مساعدتى فى الاختيار وشكرا

[mahmoud hany]

انا ارشحلك الفيرنا......الموتور اقوى و كشكل احسن (ازواق) ........بس الصراحة انا مركبتهاش ولا سوقتها.....ربنا يوفقك و لا تنسى صلاة الاستخارة.......

[tarek elbadry]

السلام عليكم
ربنا يوفقق وتختار العربية الصح
انا بختارلانوس
انا ركبتها وسقتها كتير مع اخويا واحدة بس دايو لانوس مش شفورلية لانوس بس الاتنين واحد
عربية وسعة من الداخل اوسع من الفيرنا قطع الغيار رخيصة ومتوفرة اكتر من الفيات دلوقتى وارخص كمان من الفيات واى ميكانيكى يشتغل فيها موتورها كويس جدا قوى مناسب لهيكل العربية الفرامل كويسة والعربية نعمة وعالية عن الارض انتا عارف مطبات مصر المحروسة من عيوب لانوس سبتها مش حلو بع ال120 بتبقى عيمة معاك
نيجى للفرنا ركبتها برضو
العربية شكلها حلو قطع الغيار متوفرة ورخيصة واى ميكانيكى يشتغل فيها
الصلون ديق من الخلف الكنبة
العربية وطية اوىولو ركبت عليات بتعوم العربية
الموتور قوى جداجدا اقوى من جسم العربية
الفرامل ضعيفة بس لو اتعودت عليها تبقى عادى
المجمل الاتنين منتشرين بقم زى ال128
بس انا ميال للانوس
وربنا يكرمك

[DocAmro]

فكر في رينو لوجان,
موتور أقوي من اللانوس
اوسع واحدة فيهم
اوسع شنطة
اعلي عفشة
ايرباج للسائق
كمبوتر رحلات و اوبشنز اكثر

وعموماً تصميم السيارة(2010) احدث من اللانوس(1998) و الفيرنا (2003)

بالتوفيق

[eng_ahmed_90210]

الفيرنا افضل بكتير ( سوقت الاتنين كتير )