تجربة قيادة سيراتو 2008 مانيول

[ahmed_su]

امبارح بعد انتهاء الامطار بقليل قمت بتجربة قيادة سيراتو مانيول

حبيت اقولكم انطباعى عن التجربة

اخويا قام يشراء سيراتو مانيول 2008 سوداء الاسبوع اللى فات وكان ميعدنا امبارح بعد الصلاة علشان يفرجنى عليها

بس الامطار امبارح عطلت الميعاد الى ان توقفت المهم نخش فى الموضوع

ركبت العربية وكانت عاملة 650 كم انطلقنا للتجربة من جوار حديقة الفسطاط الى 6اكتوبر مرورا بالجيزة (توصيلة للمدام [IMG]http://www.**********.com/Nile/images/smilies/biggrin.gif[/IMG] ) عن طريق الدائرى من مطلع كوبرى المنيب بالمعادى , واخذت كوبرى المنيب صعودا من شارع البحر الاعظم الى الدائرى الى مدينة 6 أكتوبر

تسارع العربية ممتاز وكنت باحول ان لا اتجوز 3000 لفة/د علشان العربية لسه ماعملتش 1000 كم بس كان فيه لحظات باتضر ان الـ RPM يوصل 4000 لفة/دقيقة بس كانت العربية يادوب على سرعة 100 كم كان على 3000 لفة/د

الفتيس نقلاته مش مريحة (هو مش تقيل بس النقلة مش عارفة مكنها قوى ) يعنى عاوز تركز معاه

نقلة المرشدير بالنسبة لى غبية (مش متعود عليها بالطريقة دى) [IMG]http://www.**********.com/Nile/images/smilies/set1_b/helpsmilie.gif[/IMG]

الفتيس نقلاته قصيرة يعنى الغير بيتشبع بسرعة أوى من الاول للخامس فى زمن قصير جدا (مش عارف ده علشان الفتيس كده ولا قوة الموتور - مش قادر احكم على النقطة دى)

طبعا شكل عصاية الفتيس مش حلو وتحس ان خامته مش جيدة (Poor) عصاية فتيس التمبرا القديمة انضف منه بمراحل

الدبرياش ناعم وسلس ومشواره مش كبير

طبعا لما تيجى تزود بالعربية عن سرعة الـ100 صوت العربية بيعلى لانها بتكون تخطت الـ3000 لفة/د

طبعا العربية خالية من اى كماليات مقارنة بالموديل الـEX اللى معيا

ظبط المرايات الجانبية غلس جدا صباع الضبط ناعم زيادة عن اللزوم مما يصعب عملية الضبط

العفشة ناشفة وبتدب فى المطبات مش عارف ليه (يمكن لسه جديدة ) مع ان عفشة عربيتى كانت ناعمة بالمقارنة بيها وهى لسه 8 كم (حاجة غريبة مع ان المفترض ان العربيتين واحد)

حتى ده كان تعليق المدام برضه عن العفشة انها بتخبط جامد مش مريحة زى التانية (كانت قاعدة على الكنبة الخلفية)

طبعا التكيف مش تتاتش وبه ثلاث بكرات لعملية التحكم شكلهم وطريقة عملهم ممتازة

وان كان التتش افضل نظرا لوجد شاشة LCD تبين درحة الحرارة الخارجية ودرجة الحرارة المضبوط عليها درجة البرودة ...الخ

الـ LCD الموجودة فى التبلوه اللى بتبين الكيلومترات المقطوعة والتريب صغيرة الحجم سطر واحد يعنى بتبين يا الكيلومتر ياتبين التريب بس مش الا تنين مع بعض (حركة غبية)

كرسى السائق مش مريح ناشف شوية (عكس التانى - طرى اكثر - مش عارف ليه ؟ يمكن علشان خاصية التحكم فى ارتفاعه عندى مزودين ليه التنجيد ولا ايه ؟ اللى يعرف يقولى)

الكاسيت كينوود سى دى مختلف عن اللى عندى الاضافة اللى فيه انه به فتحة AUX فى واجهة الكاسيت يعنى ممكن توصل اى بود او أم بى ثرى ....ألخ

الاستبن بكامل القياس 15 أنش بعكس ماقلولى وانا باشترى عربيتى انه مقاس صغير فى الموديل ده

أجمالا العربية شكلها الخارجى لايختلف باختلاف الموديلات
العربية ناقص منها عن اللى بتسمى الكاملة (حوالى 16 اضافة ) - كتير بصراحة [IMG]http://www.**********.com/Nile/images/smilies/Crazy%20Blue%20Emoticons/pissedoff.gif[/IMG]

وعلى فكرة الكاملة مش كاملة ولا حاجة (برده شافطين منها الـABS -Air Bag
)

الكماليات اللى نقصة فى العربية عن التانية كنت بفتكرها دلع على الفاضى بس فعلا عدم وجودها فارق فى شكل العربية وخلى تجهيزها الداخلى قريب من الفيرنا

وتمن العربية يعتبر غالى على كل الاضافات الناقصة [IMG]http://www.**********.com/Nile/images/smilies/Crazy%20Blue%20Emoticons/wacky.gif[/IMG]


كلمة اخيرة

العربية مع الفتيس الاتوماتيك افضل بكتير انعم واهدى مع نفس السرعة (مش بتكلم على السهولة او الراحة)

شوية الكماليات اللى كنت فاكرهم دلع وافترى انى ادفع الفرق ده فعلا فعلا فرقين فى شكل العربية ومستوى الراحة

ادعو كل الاصدقاء اللى معاهم السيراتو المانويل يشركونى انطباعهم وياريت لوحد منهم قام بتجربة السيراتو الاتوماتيك يقولى انطباعه برده علشان يبقى عملنا دمج للانطبعات
المختلفة [IMG]http://www.**********.com/Nile/images/smilies/set1_b/sweatdrop.gif[/IMG]

[islam_galal]

أخي العزيز أحمد
أحييك علي روحك الطيبة في نقل تجربتك بأمانه لا تخطئها العين
جزاك الله خيرا

ptmnlo123per112ptmnlo123p er1108ptmnlo123per198

[ahmed_su]

اسلام باشا

ربنا يكرمك دايما اول واحد بتشرفنى بردودك

وبترفع من روحى المعدنية ...هاهاهاهاها ptmnlo123per149

[AbOnOrA]

والله يا احمد انت بقيت مؤرخ للسيراتو فى مصر ptmnlo123per122

تست دريف دقيق كعادتك بس انا كمان مستغرب من انطباعك عن اداء العفشة واعتقد ان ده لو حاصل فى كل العربيات (مش عيب فى العربية ديه تحديدا) ممكن يكون فرق فى نوعية او مقاس الكاوتش او نوعية المساعدين (ممكن تكون عندك دبل اكشن وفى الموديل الفاضى عادية )

ده ظنى وياريت لو حد عارف معلومة اكيدة يقولنا

وشكرا على مشاركتك لينا التجربة

[Nour_peugeot]

سوال مهم هو مفيش مانيول جميع الكماليات ؟؟

و لو فيه سعره كام ؟