استفسار عن دايو جولييت

[that's me]

انا عاوز اعرف سعر دايو جوليت 2001 او 2002 و هل هي ثابته علي الطريق و علي السرعات العاله ولا ايه ؟؟
و تستحمل السفر الطويل بالعائله ؟؟
و تستحمل السحب و الشد و كده ولا تعبانه ؟؟

[Injection]

دايو جولييت بره هى لانوس هتشباك وعندنا أسمها جولييت, وفى رأيى عربية جيدة جدا وقطع غيارها موجودة ورخيصة وعائلية زى اللانوس السيدان بالظبط , والموتور 1.5 مش معمول للشد والسحب خاصة لو كامة واحدة بس فى رأيى شديد وبيعمل شغل جامدوفيه ماتور 1.5 2 كامة مش أقتصادى زى الأول بس ينافس الفيرنا فى الشد وبيطلع أكثر من 15 حصان عن ال1.5 الكامة الواحدة, ال1.6 يعتبر كويس جدا للعب والشد.
فيه ناس مجانين بيسقطوا ماتور نوبيرا 2.0, ونفسى أعملها فى اللانوس عندى.
والعربية زى اللانوس برضه مفيش ثبات خالص فوق 140 علشان الكاوتش رفيع, فكاوتش عريض هيحل الموضوع وهيريح العربية.
السعر حسب كونتاكت كارز من 40 الى 45 الف حسب الكماليات وسعة الموتور.
عربية جميلة جدااااا ورخيصة وصيانتها سهلة وتعتبر سريعة بالنسبة لسعرها ولو أنت شاب عازب أنصحك بيها هتقع فى غرامها ومع فلتر سبور وعلبة ديفل حلوة أحتمال تتجوزها.
بس خلى بالك حالة العربية أهم حاجة, مالكش دعوة بالعداد وجرب العربية وأفحصها مليون مرة من الكاوتش للموتور وأكشف عليها كويس علشان مترميش فلوسك فى الأرض.
وتستحمل أى حاجة طالما شاريها حالتها حلوة وبتعتنى بيها وبصيانتها أول بأول (عن تجربة)

[that's me]

كل كلامك زي الفل بس مقولتش استهلاكها للبنزين و ووضح معلش حكاية الشد و التخميس والحاجات دي لان ده حاجه فيا و مينفعش اني اجيب عربيه ومشدش بيها

[Injection]

هى واللانوس نفس الموتور, واللانوس أقتصادية جدا فى البنزين وينفع تحطلها 80 أو90 أو92 حسب ظبط فيشة الأوكتان يعنى مفيش أحلى من كده.
الشد والتخميس هات الجولييت موتور 1500 كامة واحدة بيطلع حوالى 85حصان أقتصادى وبالنسبة لوزن العربية قوى.
الموتور 1500 كامتين وال 1600 بيتسقطوا أستيراد ومبتجيش مصر بيهم وبيطلعوا 105 حصان تقريبا) وممكن تلاقى عربية مسقطة لو حابب الجولييت.
الفيرنا والبروتون جين 2 كويسين جدا للشد والتخميس, الجولييت بتشد وبتخمس بس متتوقعش كتير من موتور 85 حصان.
المشكلة أن الفيرنا والبروتون منتشرين ومالهمش شخصية وخاصة الفيرنا.