|
#1
19-07-2010, 11:10 PM
|
||||
|
||||
الشكاوى الفلصو
بسم الله الرحمن الرحيم
الغرض من الموضوع تنبيه العملاء أو بمعنى ادق اللى خبرتهم قليلة فى السيارات و فى الغالب بيكونو شاريين العربية جديدة و الموضوع ده بيضم عدة شكاوى بتضايق العميل و هيا أصلا طبيعية بس يا رب أفتكر كل الشكاوى الوهمية عشان اوفر عليكم القلق و كمان السؤال فى التوكيل عنها 1- صوت عند بداية تشغيل التكييف و كل شوية يظهر و يختفى الإجابة بكل بساطة ان ده الكلاتش الخاص بالكمبرسور . التكييف لما بيشتغل الكلاتش بيلقط فبيعمل الصوت ده و لما الهواء اللى داخل السيارة بيبرد التكييف بيفصل لوحده و بعد كدة بيرجع يشتغل تانى لما الهواء بيسخن و بالتالى الصوت بتاع الكلاتش هيحصل تانى 2- صوت تزييق مع الفرامل فى الغالب العربية بتكون أوتوماتيك لما تدوس فرامل و تجيب D او R و تسيب رجلك براحة من على دواسة الفرامل بتسمع صوت تزييق و ده طبيعى عشان القاعد بتاعت المحرك و الفتيس بتريح( القواعد كاوتش) 3- صوت عالى مع الفرامل و ده بيكون فى الغالب جهاز ال ABS 4-صوت عند كسر الدريكسيون على الأخر ده بيكون نتيجة ان ضغط طلمبة الباور مش لاقى مكان يروح فيه العلبة (علبة الدريكسيون) مفتوحة على الأخر و الصوت ده طبيعى 5- صوت عند الدوران ودخول منحنيات على سرعة فى أرض غير ممهدة و ده بردو مفيش اى مشاكل منه عشان بيكون فيه نسبة بوش فى علبة الدريكسيون فى سيارات كتير جدا و على سبيل المثال الانسر و كمان البى ام ال E39 6-, و انا واقف فى اشارة و مشغل التكييف و معشق على ال D دواسة الفرامل بحس انها بتنزل لوحدها ده بردو بسبب فصل التكييف و تشغيله و بالتالى عدد لفات المحرك بتقل و تزيد و طبعا الفرامل ليها علاقة بالمحرك عن طريق السيرفو اللى بياخد الخلخلة من المحرك كله كوم و الشكاوى اللى بتكون نتيجة اصوات الساعة 2 فجرا فى جراج مقفول و يتسمع فيه دبة النملة يا رب أكون افتكرت كل الشكاوى و بالطبع ده ما يلغيش انك تسأل فى التوكيل عشان تطمن و تطمنا معاك أتمنى ان الموضوع يعجبكم و لو افتكرت حاجة تانية هضفها
__________________
شارك دافع عن أفكارك
التعديل الأخير تم بواسطة Nissan ; 19-07-2010 الساعة 11:26 PM 
|
|
#2
19-07-2010, 11:22 PM
|
||||
|
||||
|
رد: الشكاوى الفلصو
يا جامد انت يا جامد
__________________
لولا اختلاف الرأي يا محـــــترم لولا الزلطتين ما لوقود انضرم و لولا فرعين ليف سوا مخاليف كان بيننا حبل الود كيف اتبرم ؟
|
|
#3
19-07-2010, 11:28 PM
|
|||
|
|||
|
رد: الشكاوى الفلصو
موضوع ينم عن خبرة محترمة، شكرا ليك
|
|
#4
19-07-2010, 11:32 PM
|
||||
|
||||
|
رد: الشكاوى الفلصو
شكرا على المعلومات
جزاك الله خيرا
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#5
20-07-2010, 03:56 AM
|
||||
|
||||
|
رد: الشكاوى الفلصو
شكرا يا باشمهندس
ممكن اضيف عيب بسيط: لما ابطل العربيه بالليل بسمع صوت تكتكه جايه من الكابود و دي بتبقي من شرائح الردياتير او السربنتينه لما بتبطل العربيه بتدأ تصطم بالهواء البارد القادم من خارج السياره فبيحدث انكماش للمعدن بيخرج الصوت دا
__________________
حـازم خـضـر
|
 |
|
|
