عاوز تزبيييط رايق قوي

[masmas1001]

ازيكو يا شباااااب
انا بزبط عربيتي وهي هيونداي اكسيل مو 95 بس كنت عاوز من الشباااااب صور لعربيات اكسيل متزبطة علشان اشوف اية اللي ممكن يناسبني واعملة
مع العلم انا عاوز اعملها من تغيير جاااامد قوي يعني جنوط وتهبيط وفوانيس امامي وخلفي ولو حتى اي حاجة ليها لمسة جمالية من غير ما تكون زايدة عن حدها واوفر

شكرا يا اجدع شباب

[Medo Tune]

عاوز تظبط عربيتك تبقي جامدة هقولك علي شوية حاجات تعملها جامدة أوي
لو أنت عاوز عربيتك يبقي ليها صوت مميز يبقي
هتركب فلتر رياضي وده سعره من من 300-350 نوع عالمي ونضيف وده مش صوت بس لكن بيخلي الموتور يستعيد قوته الحصانية
وتركب طقم شكمان تربو الي هوا الديفيل وده يتكلف حوالي 1000 جنيه هيبقي 2 شكمان واحد من اليمين والتاني من الشمال
وده مصري درجة أولي علب استانلس ستيل وده برده مش صوت بس لكن بيخلي الموتور يستعيد قوته الحصانية
وبالنسبة للمظهر الداخلي,الفرش
هتركب 2 كرسي سبور Recaro or sparco ودول تمنهم حوالي 1650 جنيه وتركيبهم يبقي حوالي 450 جنيه بالتعديل
وبالنسبة للكنب الخلفي هيعمله السروجي عشان يبقي زي الكراسي الأمامية وده يتكلف 500 جنيه
وبالنسبة للدركسيون هتجيب طارة اسبور وديه بتبقي ب200 جنيه بالزور
وبالنسبة للتابلوه بيتفك وبيترش رشة كويسة عشان ميقشرش وده بيتكلف حوالي 350 فك وتركيب ورش
وبالنسبة لطقم الصوت
هتركب طقم صوت بعشر سماعات وبازوكا و3 شاشات عرض وكاسيت دي في دي بايونير او سوني
وأسعارهم 1200جنيه 10 سماعات سوني
4 سماعات سوني سماعة في كل باب
وسماعتين سوني في الأمام في التابلوه
وأربع سماعات سوني في الرف الخلفي
والبازوكا 1000 جنيه سوني وديه هتركب في الشنطة
والكاسيت 1200 جنيه سوني دي في دي أفلام و Mp3 و Aux
والشاشات شاشة أمامية بلوتوث وتاتش وممكن تطلب عليها من الموبيل وتشوف عليها العربية من ورا وديه ب 500 جنيه
والشاشات الخلفية بحوالي 700 جنيه وديه بتركب في الكرسي من الخلف زي الBMW
وبالنسبة للمظهر الخارجي
هتركب اكصدامين بكساحاتهم حديد وهتركب عتبتين وهتختار من الكتالوج الشكل الي انت عاوز ودول مميزاتهم ان هما حديد يعني بيستحملوا ودول ب حوالي 1300-1500
وهتركب أسبويلر وده حوالي ب 300 جنيه
ولو عاوز ابواب تفتح لفوق فديه بتتعمل البابين ب 3000 جنيه
ولو عاوز أبواب تفتح بالريموت من غير اوكر (Door Handle) ديه بتتكلف حوالي ألف جنيه
هتغير الفوانيس بفوانيس أسبور وهتتكلف حوالي 500 جنيه
بالنسبو لسمكرة باقي العربية والدوكو
1500 جنيه وهتترش اللون الي انت عاوزه بالكتالوج ودوكو فرن ميتاليك وهيتعمل اي خبطه في العربية وممكن تترش لونين
وبالنسبة للكامليات
زجاج كهربائي وده هيبقي ب 700 جنيه
وسنتر لوك وإنظار ودول بحوالي 400 بالتركيب
ونيون تحت العربية وده منه أربع الوان احمر واصفر واخضر وازرق وده ب500 جنيه
وطقم زينون ب1000 جنيه وده هيبقي philips aw siemens
وشوية علامات اصلية ومادلية للعربية بحوالي 100 جنيه
وبالنسبة للجنوط
هتركب جنوط 15 او 16 اسبور واربع كاوتشات اسبور ودول هيتكلفوا حوالي من 3200 إلي 3500
واتفرج علي العربية بعد كده
واي سوال انا تحت امرك ptmnlo123per1106

[خالداعزالناس]

تسلم على التعديلات الجامده دى ..... والمتنوعه
والشامله لكل اجزاء السياره..... وعلى الاسعار كمان ....
بالنسبه لفتح الباب لاعلى ptmnlo123per122.... هل التكلفه 3000 جنيه ... ( احسن شغل )ptmnlo123per122
وبالنسبه للاضاءه الزينون ... أنا شايف انها غاليه شويهptmnlo123per144

[Medo Tune]

المشاركة الأصلية كتبت بواسطة خالداعزالناس تسلم على التعديلات الجامده دى ..... والمتنوعه والشامله لكل اجزاء السياره..... وعلى الاسعار كمان .... بالنسبه لفتح الباب لاعلى ptmnlo123per122.... هل التكلفه 3000 جنيه ... ( احسن شغل )ptmnlo123per122 وبالنسبه للاضاءه الزينون ... أنا شايف انها غاليه شويهptmnlo123per144

3000 جنيه ده شغل عالي جدا
وبالنسبة للزينون ده الماني مش صيني
ده انواع فليبس او سيمنز

[masmas1001]

ياباشااااااااااااااااا انا مش عارف اقولك اية بجد انت جبت كل حاجة في العربية من اولها لاخرها بجد بجد انا بشكرك على ردك الجميل دا
ومعلش انا عاوزر اعرف الفوانيس الخلفية والامامية بتتعمل عند مين
وبالنسبة للزينون هو النوع دا philips aw siemens مش صيني ودا عالي وواطي ولا واحد منهم بس ، ومن اي مكان اقدر اجيبهم منه يكون حاجتة مش مضروبة من القاهرة

وكمان عندي كاسيت سوني وبيركب فية وصلة ال rc وعندي سماعتين كنوود 450وات ممكن ازود عليهم كمان 2سماعة& صب & جي ام ممكن اعرف اية الحاجة الصوتها جاااامد والسعر في المعقول واية رايك في الكاسيت مع السماعتين اللي عندي
وكمان انا عندي سماعتين في التبلوة الامامي

شكرا يااااااااااااااااا بووووب