سؤال عن كسر الزيرو

[m77777]

اتوجة بالشكر لجميع اعضاء المنتدى وكذلك لجميع مشرفى الاقسام ومؤسس الموقع.سؤالى ياشباب عن كسر الزيرو اية الموضوع دة 2. هل تتوافر جميع الماركات 3.مضمون من حيث التعامل والاوراق 4.فين الواحد يلاقى سيارات من النوع دة وسعر هيونداى نيو اكسنت 2010 تعمل كام لو فتيس اتوماتيك ولو فتيس عادى.ولكم خالص الشكر اة نسيت سمعت من قريب لى ان يوجد بمدينة نصر بجوار سوق السيارت معرض لكسر الزيرو ارجو الافادة شباب

[AbOnOrA]

كسر الزيرو يعنى عربيه عامله من الف الى 10 الاف باكتير وحالتها زى الفابريكا بالظبط

يعنى فابريكا من بره وجوه وكل الاكسسوارات والكماليات شغاله تمام وبحالتها

طبعا ديه افضل شروة لانك بتاخد العربيه بحالة المصنع وبسعر اقل وبالتالى لما بتيجى بتبيعها بعد كده مش هتخسر كتير ويمكن تكسب كمان فيها لان الخسارة الاكبر شالها المشترى الاول من الزيرو

اما عن باقى الاستفسارات فهى شراء زى اى شراء عربيه بس طبعاً العربيات بالحالة ديه بتبقى نادرة شويه ومبتقعدش

[m77777]

شكرا ابو نورا على الاهتمام ربنك يكرمك اسمى محمد رمضان من بنى سويف وسعيد جدا بالاشتراك بالمنتدى ومعلش اسئلتى كتير لانى اول مرة هجيب عربية زيرو.بس ياريت لو تعرف اماكن او معارض فيها كسر زيرو دلنى وشكرا ليك

[hamdymsr]

المشاركة الأصلية كتبت بواسطة m77777 شكرا ابو نورا على الاهتمام ربنك يكرمك اسمى محمد رمضان من بنى سويف وسعيد جدا بالاشتراك بالمنتدى ومعلش اسئلتى كتير لانى اول مرة هجيب عربية زيرو.بس ياريت لو تعرف اماكن او معارض فيها كسر زيرو دلنى وشكرا ليك

خد بالك الموضوع مش سهل زى ما انت فاكر احيانا بيكون فى عربيات معروضة فيها عيوب وممكن تكون عاملة حادثة ومعمولة كويس ومش باينة فلو فعلا نويت تجيب كسر زيروا يبقى تشوف حد بتثق فية جدا يجيبهالك عشان متجبش عربية تعبانة او فيها حاجة وفى الحالة دى هتخسر كل فلوسك ... وكمان لو لقيت كسر زيرو فعلا سليم مش هتلاقى الفرق فى ال .... نصيحة لوجة الله خليك فى الزيرو احسنلك واكرملك