بروتون ساجا 2010 ام ماتريكس وتويوتا مستعمل

[Rady2]

السلام عليكم ورحمة الله وبركاتة

إخوانى أرجوا الإفادة من حضراتكم

أريد شراء سيارة فى حدود 60 الف ويمكن الزيادة حتى 70 ولكن فى الحالات الضرورية

كنت معجب جدا بالسيارة بروتون ساجا وبعد أن قريت كل تقريراتها وجدت الكل بيشكر فيها جدا

لكن انا ليا تعليق عليها من حيث
1- انها لسه جديدة ولم تظهر عيوبها بعد
2-عدم جودة خاامات تصنيعها خصوصا منظر التابلوة
3- ارتفاع سعر قطع غيارها
4-اعتقد ان تصليحها مش هيبقى سهل لانها جديدة عن الميكانيكي

.............

لكن لما نزلت السوق بتاع السيارات لقيت سيارات جميلة جدا فى نفس السعرر

شيفرولية لانوس سوداء 2009 فابريقة بره وجوا كاملة مانيوال 60 الف جنيه

مثلا ماتريكس 2006 اوتوماتيك فى حدود 60الف

تويوتا 2002 كاملة اوتوماتيك فرش بيج وشكلها رهيب لكن رشه اجزاء فى الابواب
72الف اول كلمة ساعه البيع والشرا الوضع بيختلف

............

الخلاصة

أشترى سياره ماليزى 2010 خصوصا سيارة ساجا فى حدود 63 الف

ام اشترى سيارة قديمة فى حدود 2006 او 2002 لكن كورى او يابانى
ام اشترى لانوس سيفرولية كورى

وعلى الاقل الخامة هتكون افضل وكمان الميكانيكى هيفهم فيها وصيانتها سهلة وقطع غيارها متوفرة


ارجو الافادة من حضراتكم

والله انا من راي تجيب اللوجن زيرو وتبعد خالص عن المستعمل وتبعد عن الساجا لان توكيلها في الضياع وكفايا اوي انها ماليزي تقفيل مصري ده سبب لوحده يخليك متجيبهاش وبعدين حرام يبقي معاك مبلغ زي ده وتجيب عربيه كان حد راكبها قبلك اللوجن عربية محترمة جدا وعاليه عن الارض وواسعه جدا من جوه قاعدتها مريحه وعربية تكنولوجيا اوروبي تقفيل مغربي وتقبل تحياتي

[zoomaa&mizaa]

خليك فى التويوتا وغالبية الناس بتركب مستعمل المهم الحالة وعلى فكرة كون العربية راشة من برة دة مش عيب أوعى تنسى انك فى مصر المهم بص كويس على أساسيات العربية وحكم أحساسك هل صاحبها كان هاينها ولا لأ

[Rady2]

الف شكر يا جماعه جزاكم الله خيرا

أنا حيرتى خفت شوية
ودلوقتى بفكر فى حاجتين بس

يا هيونداى ماتريكس مستعمل يا عربية زيرو

أخى العزيز corsair
انا مقتنع بكلامك ان الزيرو جميل
بس انا مش حابب شكل اللوجان

لكن عموما هعيد النظر وابحث تان ى


ارجوكم يا اهل الخبرة تفيدونى محتاج اراء واقتراحات

[ramy01011]

خليك في المستعمل و تكون حالته نظيفة الجديد في مصر المحروسة لو اتخبط منك هتزعل اوي موش زي المستعمل و عموما الانوس حلوة جدا و الماتريكس كمان اما الكورولا تحفه بس علشان تجيب واحده حالتها جيدة هتدخل في نص السبعينات يا ريت تبص بردو علي الانسر 2003 هتكون في الرنج ده و عربية ممتازة بردو