شهادة الضمان

[vbshar]

السلام عليكم يا فرناوية يا عسل
دلوقتي عربيتي استلمتها من حوالي 3 اسابيع و مافيهاش شهادة الضمان
الراجل صاحب المعرض اللي اشتريتها منه قال لي ان دفتر الضمان بتستلمه لما بتروح تعمل صيانة ال 1000 في اي مركز صيانة و اتصلت ببتوع هيونداي قالو لي لأ المفروض هو اللي بيديك الضمان
انا مش عارف هل اكلم حماية المستهلك في الموضوع دة ولا اية
و استفسار تاني معلهش
حد من فيرناوية المنصورة جرب مركز تاج للصيانة

[Brave Heart]

انا استلمت الضمان فى الصيانه فى ابو رواش
مش من المعرض اللى اشتريت منه

[acer]

باشا
انا برضه حصل معايا نفس الحوار اشتريت العربيه من سمير ريان وبعدين سالتهم على الضمان قا لوا ليه حتاخدوة لما تعمل صيانه الالف ورحت غبور ابورواش علشان صيانه الالف قالوا ليه تعال اى يوم من الاحد للخميس فى ادارة الجودة حتاخد الضمان بعت واحد قالوا ليه لا دة بتاخدوا مع العربيه مش من عندنا طبعا الواحد مش حيقعد بقى رايح للمعرض ورايح لغبور
وبعدين الاحوة الافاضل اللى فى المنتدى قالوا ليه طالما باعمل الصيانه فى ابورواش مش مشكله كتيب الضمان لانهم بيسجلوا بيانا ت الصيانه عندهم
بس طبعا انا من وجهة نظرى بجد ان العيب فى غبور مش فى اى حد لانى مخدتش الكتيب يبقى يعطوك كتيب الضمان بس طبعا احنا فى مصر والشعار الذهبى للمبيعات فى كل حاجه فى مصر يولع الزبون مش اخد الحاجه وخلاص دفع يولع لان فى مصر للاسف عمرى ما شفت شركه بتهتم فى ما بعد البيع
عموما انت حتتضر تروح المركزين بتوعهم سواء اللى ابورواش او قليوب

[essoabbas]

المشاركة الأصلية كتبت بواسطة vbshar السلام عليكم يا فرناوية يا عسل دلوقتي عربيتي استلمتها من حوالي 3 اسابيع و مافيهاش شهادة الضمان الراجل صاحب المعرض اللي اشتريتها منه قال لي ان دفتر الضمان بتستلمه لما بتروح تعمل صيانة ال 1000 في اي مركز صيانة و اتصلت ببتوع هيونداي قالو لي لأ المفروض هو اللي بيديك الضمان انا مش عارف هل اكلم حماية المستهلك في الموضوع دة ولا اية و استفسار تاني معلهش حد من فيرناوية المنصورة جرب مركز تاج للصيانة

أنا من المنصورة برضه و خلاصة تجربتي مع مراكز الصيانة وصلت للآتي :
بالنسبة للضمان بصراحة هو معايا من يوم ما استلمت العربيه من غبور ابو رواش


أنا جربت العدوي اللي علي طريق المحلة ( 8 كم من كوبري الجامعة )
و جربت برضه الدلتا ( اللي قدام موقف طلخا )

بالنسبة للعدوي اعتقد انه اكتر خبرة من الدلتا ...

الاتنين بقوا ماشيين بالجداول الجديدة ( بمعني انا كنت ماشي مع جدول صيانة بأسعار معينة و مواعيد تغيير معينة فوجئت بتغيير الجدول سواء الاسعار او الصيانة .. الصيانه اسعارها وصلت لاسعار التويوتات و ده بجد نرفزني و بعت شكوي للشركة اكتر من مرة و محدش رد كما هو متوقع ... لقيت نفسي بدفع اد ثمن صيانة التويوتا بتاعت والدي يعني فيرنا ب 70 ألف = تويوتا ب 140 ألف في الصيانة و عجبي )

روحت لتاج اللي عند كوبري المرور في صيانة ال 25000 بصراحة ارتحت لانه لم يجبرني علي اني امشي ع الجدول الجديد و سألني كنت ماشي مع اي جدول الاول و المصنعية بتاعته اقل من التانيين و ختم معتمد برضه )

رجاء أخذ أكتر من رأي برضه بس بجد دي تجربتي بكل أمانه و صدق
مع تمنياتي لك بالتوفيق

المشاركة الأصلية كتبت بواسطة vbshar السلام عليكم يا فرناوية يا عسل دلوقتي عربيتي استلمتها من حوالي 3 اسابيع و مافيهاش شهادة الضمان الراجل صاحب المعرض اللي اشتريتها منه قال لي ان دفتر الضمان بتستلمه لما بتروح تعمل صيانة ال 1000 في اي مركز صيانة و اتصلت ببتوع هيونداي قالو لي لأ المفروض هو اللي بيديك الضمان انا مش عارف هل اكلم حماية المستهلك في الموضوع دة ولا اية و استفسار تاني معلهش حد من فيرناوية المنصورة جرب مركز تاج للصيانة

الله اكبر فيرناوي جديد يا جدعان انضم لينا كدا احنا بقينا جمهوريه احب اطمنك يا برنجي ان مفيش مشكله من استلام كتيب الضمان روح اعمل ان شاء الله صيانة الالف الاولي في ابورواش واستلمه من هناك وتقبل تحياتي