استلمت السايبا برايد النهارده

[amidoo9999]

الحمد لله استلمت العربيه النهارده والحمد لله العربيه عجبانى بس الكاسيت مش شغال الشريط دخل ومش عايز يطلع وروحت لكهربائى وقالى ان العيب فى المكنه وبلاش نلعب فيها علشان الضمان وهما هيغيروها ده اللى قلهولى المندوب فى العرض اللى فى شارع الطيران بس محتار اروح دلوقتى ولا فى صيانه الاف كيلو بس العربيه من بره فيها زى تراب لازق فيها كنت فاكره جروح فى الصاج بس لما حطيت شويه مياه عليه ودعكته بايدى طلع بس مش عارف اعمل فيه ايه والتكيف جيت اشغله لاقيته مطلع هواء عادى فاقولت للمندوب ورجعتله المعرض قالى ان التكيف فى صيانه الاف كيلو هيشحنوه كده كده وان معظم العربيات مابيكنش مشحون وفى حاجه تانى الموتور كله تراب وعايز اغسله بس كلام ابو انور مخوفنى من حكايه الغسيل دى بس العربيه من راى جميله وماشاء الله سحابه جامد واللى عنده اى نصائح ياريت يقولى عليها علشان العربيه دى اول عربيه ليا اول بختى يعنى معلش طولت عليكوا

[خالداعزالناس]

الف الف الف ممبروك عليك السياره
الله يعطيك خيرها وييكفيك شرها
الكاسيت مفروض تقوم باستبداله او ظبطه عندهم من الان
لان مش معقوله تستنى الـــــ1000 كم عشان تصلحه كلام ...... مش منطقى منهم
التكييف ممكن تستنى عليه عند صييانه الـــ1000 كم على اساس ان فتره التليين مش هتشغل فيها التكييف
والف الف مبروك عليك السياره

[tawfic]

اولا الف الف مبروك
وربنا يكفيك شرها ويحرسهالك
اما بخصوص الكاسيت يفضل تروح تغيره من دلوقتى ومتستناش لصيانه الاف علشان تعرف على الاقل تشغل حاجه وانتى ماشى
اما بخصوص التكيف
هل لما شغلته ضغط على زرار AC اللى فوق الكاسيت بين هاويتين التكيف علشان ده لازم يكون شغال ومنور اخضر
جرب ولو ماشتشغلشى وانته بتغير الكاسيت قلهم عليه يشحنوه
ودى اهم النصائح فى التلين
اولا لازم ماتزوديشى السرعه عن 80 كيلو ولما توصل لغايه ال 500 كيلو الاوله ارفه لسرعه 90
حاول على قد ماتقدر تعامل العربيه فى الفتره دى معامله وسطيه بمعنى انك ماتشدش عليها قوى ولا تريحها قوى على تطبعها على اسلوب سواقتك بعد كده وفى نفس الوقت تطبع كل الاجزاء الميكانيكيه بتاعتها على طرق ومطبات مصر المحروسه
اما بخصوص التراب اللازق فده ناتج الاستكرز الابيض الحمايه اللى بيكون مغطى العربيه وهى جايه من بره
الحل ان حضرتك انك هاتروح بيها على بنزينه محترمه يغسلوها واوعه يفكرو يستعملو جاز او بنزين عليه
وبالنسبه للماتور سيبه كده لغايه الصيانه هما هايغسلوها هناك ومش مهم عليه تراب ولا ماعلهوش كده كده بعد الغسيل بأسبوع بالكتير هايرجع اسؤ من الاول وده ناتج طباع الاراضى المصريه الحبيبه اللى مليئه بكافه انواع التراب

[amidoo9999]

انا بشكر كم على النصائح الجميله دى بس عندى سؤال بالنسبه لارتفاع العربيه عن الرض امبارح حكت فى مطبين وكان فى ثلاثه قاعدين ورا والمطب عادى من هضاب مصر الحروسه بس انا خته مستقيم علشان العربيات اللى جنبى دا عادى ولا لا

[amidoo9999]

المشاركة الأصلية كتبت بواسطة tawfic اولا الف الف مبروك وربنا يكفيك شرها ويحرسهالك اما بخصوص الكاسيت يفضل تروح تغيره من دلوقتى ومتستناش لصيانه الاف علشان تعرف على الاقل تشغل حاجه وانتى ماشى اما بخصوص التكيف هل لما شغلته ضغط على زرار AC اللى فوق الكاسيت بين هاويتين التكيف علشان ده لازم يكون شغال ومنور اخضر جرب ولو ماشتشغلشى وانته بتغير الكاسيت قلهم عليه يشحنوه ودى اهم النصائح فى التلين اولا لازم ماتزوديشى السرعه عن 80 كيلو ولما توصل لغايه ال 500 كيلو الاوله ارفه لسرعه 90 حاول على قد ماتقدر تعامل العربيه فى الفتره دى معامله وسطيه بمعنى انك ماتشدش عليها قوى ولا تريحها قوى على تطبعها على اسلوب سواقتك بعد كده وفى نفس الوقت تطبع كل الاجزاء الميكانيكيه بتاعتها على طرق ومطبات مصر المحروسه اما بخصوص التراب اللازق فده ناتج الاستكرز الابيض الحمايه اللى بيكون مغطى العربيه وهى جايه من بره الحل ان حضرتك انك هاتروح بيها على بنزينه محترمه يغسلوها واوعه يفكرو يستعملو جاز او بنزين عليه وبالنسبه للماتور سيبه كده لغايه الصيانه هما هايغسلوها هناك ومش مهم عليه تراب ولا ماعلهوش كده كده بعد الغسيل بأسبوع بالكتير هايرجع اسؤ من الاول وده ناتج طباع الاراضى المصريه الحبيبه اللى مليئه بكافه انواع التراب

شكرا يا باشا على هذه النصائح بس انا زوت السرعه تقريبا لغايه 110 هل هيؤثر على حاجه وبشكرك تانى مره