مساعدة بخصوص الاضاءه و الكاوتش

[ahhmedsafaamax]

انا عربيتى بيجو 505 موديل 81

اولا
بخصوص الكاوتش

عاوز اعرف ايه الجانت المناسب والكواتش المناسب من حيث المقاسات
بحيث لا يوثر على العفشه للسيارة
بعد ذلك عاوز اعرف ما هى افضل الانواع فى الجنوات والكاوتش وما هى اسعاره
بحيث يكون جانت وكوتش شكله جميل وقوى التحمل

ثانيا
الاضاءه

الموضوع دة انا مبفهمش فيه حاجه خالص
برجا واحدة واحدة عليا فى الشرح
انا عامل تجديد لعربيتى وهو تجديد شامل كل حاجه
وعربيتى الان عند البوهيجى وانشاء الله هستلمه بعد 10 ايام
اريد مساعدة بسيطه
انا مغير الدفيرة بتاعت العربيه كله وعاوز اغير كل المبات بتاعت العربيه واجيب لمبات افضل
بس بلاش الزينون علشان غالى واسمع ان هو مش بيعيش كتير
المهم
انا عاوز اعرف مقاسات المبات اللى انا هشتريه وانواعها واسعره
انا هحتاج
1 - لمبات للفوانيس الاماميه عالى و واطى
2 - لمبات للفوانيس الخلفيه
3 - لمبات داخل الصالون
4 - لمبات اضاءه تحت السيارة

وكنت عاوز اعرف المبات دى نوعها ايه واسمه ايه وتركب عندى ولــ لا وسعرها كام

وانا اسف جدا على الاطاله

[ahhmedsafaamax]

مفيش حد عاوز يفدنى ياجماعه فى موضوعى

[ahhmedsafaamax]

مفيش بردة حد عاوز يعبرنى بكلمه حتى

[hossamhussein0]

المشاركة الأصلية كتبت بواسطة ahhmedsafaamax انا عربيتى بيجو 505 موديل 81 اولا بخصوص الكاوتش عاوز اعرف ايه الجانت المناسب والكواتش المناسب من حيث المقاسات بحيث لا يوثر على العفشه للسيارة بعد ذلك عاوز اعرف ما هى افضل الانواع فى الجنوات والكاوتش وما هى اسعاره بحيث يكون جانت وكوتش شكله جميل وقوى التحمل

أولا أهلابك وسط عائلة مصر موتورز،،،

بص يا باشا

الجنوط المتاحة للبيجو سواء 504 أو 505 محدودة جدا ( شكلين ثلاثة بالكثير ) علشان ابعاد المسامير فيهم مختلفة عن باقي العربيات ،،، و عموما شكلهم حلو جدا برضه ،، و يا ريت تسيبك من الصيني ممكن تجيب اندونيسي او تايواني و اعتقد ان مقاسهم 15 بوصة تقريبا ،،،، و سعر الطقم في حدود 1500 الي 1800 ج أما عن الكاوتش ارشح لك الكونتننتال أو البرلي او الدنلوب و حاول يكون مقاسه 185 و ارتفاع 60 اما عن القطر فعلي حسب الجنط طبعا و اعتقد الفردة هتكون من 370 الي 430 ج .

المشاركة الأصلية كتبت بواسطة ahhmedsafaamax ثانيا الاضاءه الموضوع دة انا مبفهمش فيه حاجه خالص برجا واحدة واحدة عليا فى الشرح انا عامل تجديد لعربيتى وهو تجديد شامل كل حاجه وعربيتى الان عند البوهيجى وانشاء الله هستلمه بعد 10 ايام اريد مساعدة بسيطه انا مغير الدفيرة بتاعت العربيه كله وعاوز اغير كل المبات بتاعت العربيه واجيب لمبات افضل بس بلاش الزينون علشان غالى واسمع ان هو مش بيعيش كتير المهم انا عاوز اعرف مقاسات المبات اللى انا هشتريه وانواعها واسعره انا هحتاج 1 - لمبات للفوانيس الاماميه عالى و واطى 2 - لمبات للفوانيس الخلفيه 3 - لمبات داخل الصالون 4 - لمبات اضاءه تحت السيارة وكنت عاوز اعرف المبات دى نوعها ايه واسمه ايه وتركب عندى ولــ لا وسعرها كام

المبات عموما فيه نوع اسمه "تونجوسرام " و تقريبا علبة اللمض احمر × ازرق × ابيض ده أفضل نوع في السوق و هتلاقي منه كل حاجة سواء نور كبير أو انوار خلفية أو العدادات او التابلوه عموما

النور الامامي هات لمبات زئبق 200 \ 260 (في حدود 35 ج للاثنين ) بس غير الفيش بتاعتها هات فيش فخار (بلاش البلاستيك علشان بتسيح ) و دي في حدود 15 جنيه للفيشتين و كمان هات كتاوت نور بلغاري او مجري في حدود 25 جنيه

لمبات الفوانيس الخلفية و الاكصدام الامامي
برضه نفس النوع و بيبقي فيه منها 2 بول (للنور الصغير و الفرامل) و واحد بول 5 وات (الاكصدام الامامي ) و 10 وات اشارات خلفي و مارشدير و فوج لايت و يتم تركيبها حسب الحاجة مكان اللمبات القديمة ، و اللمبة في حدود 2 ج

لمبات داخل الصالون
هناك لمبات ليد صيني نفس شكل اللمبات العادية بس اضائتها بيضاء عالية السطوع و منها علي شكل لمبة بلحة و منها علي شكل لمبة صغيرة ،،، بتركب علي طول بدون اي تعديلات و لا حوارات و يمكنك استخدامها في انارة الصالون و درج التابلوه و ما الي ذلك و الواحدة بـ 10 ج

لمبات اضائة تحت السيارة
هناك شريط ليد مضئ صيني (من ناحية لمبات و من الناحية الاخري لزق دوبل فيس ) و يوجد منه الوان متعددة ( ابيض شفاف و اصفر وازرق و احمر ) علي حسب الطلب و هناك مقاسات متعددة له 30 و 60 و 90 سم باسعار في حدود 10 و 15 و 25 ج ممكن سيادتك تشتري الكمية اللي انت محتاجها و تلزقه علي العتب من تحت و الاكصدامين من تحت من الداخل و اعتقد ان التكلفة الكلية للعربية مش هتعدي 80 - 90 ج لتلك الشرائط.

و أتمني أن أكون قدرت اساعدك

[ahhmedsafaamax]

يا كابتن حسام انا عاجز عن الشكرومش عارف اقولك ايه بصرحه
الف مليون شكر على المعلومات الهامه دى
شكرا ليك وشكر للمنتدى