|
#1
30-03-2010, 04:02 PM
|
|||
|
|||
الريجاتا بتطبل معايا عند سرعة 80 تحديدا
السلام عليكم
انا عندي مشكلة في عربيتي ريجاتا نوفا s85 موديل 1989 ولسة شاريها ومغير سير كاتينا وفلتر زيت وفلتر بنزين كانت ماشية ببنزين 80 حطيتلها بنزين 90 وكانت بتبطل عند سرعة 60 رحت للميكانيكي قالي محتاج تنضف الكاربراتير، نضفه والعربية بقت بتفصل عند سرعة 80 رحت للميكانيكي تاني قالي محتاج تغير طرمبة البنزين عشان ضعيفة، غيرتها ولا اي شيئ حصل العربية برضه بتفصل عند سرعة 80 اخر مرة رحتله قالي يبقى انت كدة عندك بكات في الكاربراتير عايزة تتغير مش عارف بقى اكمل معاه واللا اشوف سكة تاني برجاء الإفادة 
|
|
#2
31-03-2010, 03:51 AM
|
||||
|
||||
|
رد: الريجاتا بتطبل معايا عند سرعة 80 تحديدا
بتفصل ازاي ؟؟
يعني بتقطع خالص و بتقف و لا بتلاق يالعربيه بتقطع؟؟ اول حاجه شوف البيكات لو كنت مصغرها يبقي رجع البيكات القديمه و طلمبه البنزين كمان لو سليمه اوك و شوف المشط بتاع السبراتير بس دا اخر حاجه
__________________
حـازم خـضـر
|
|
#3
31-03-2010, 09:49 AM
|
|||
|
|||
|
رد: الريجاتا بتطبل معايا عند سرعة 80 تحديدا
جزاك الله خيرا
هي العربية بتفصل عند سرعة 80 وبتبقى محتاجة تتدور تاني بالكونتاك فعلا غير طلمبة البنزين وبرضة نفس المشكلة العربية بتبطل عند سراعة 80 فاضل فعلا البيكات زي ما انت بتقول والميكانيكي قالي نغسل التانك برضة عشان العربية كانت ماشية ببنزين 80 ودلوقتي انا حطيلتها 90
|
|
#4
31-03-2010, 02:25 PM
|
||||
|
||||
|
رد: الريجاتا بتطبل معايا عند سرعة 80 تحديدا
و الله انا من رأى تغير الأسطى الميكانيكى بتاعك لأنه واضح انه عمال يجرب ويفترض حاجه ومتطلعش صح يعنى شغال بنظام الفهلوة المصرى الشهير والميكانيكى الصح يعرف العطل من اول او تانى مرة ....غسيل التانك لا أعتقد انه ليه علاقة بتبطيل العربية
__________________
د / محمد إن الله لا يصلح عمل المفسدين
|
|
#5
31-03-2010, 02:45 PM
|
||||
|
||||
|
رد: الريجاتا بتطبل معايا عند سرعة 80 تحديدا
العيب ده 99% ناتج من قلة تدفق البنزين للموتور الذي يحتاجه عند السرعة العالية
و طالما أنه تم تغيير الطلمبة و تنظيف الكربراتير ،، ممكن يكون العيب هايف جدا (فلتر البنزين) به سد نتيجة وجود شوائب كثيرة بتمنع مرور البنزين بالمستوي الكافي خاصة و انه كان يتم استخدام الـ 80 قبل كده و ممكن يكون العربية متركب فيها اكثر من فلتر و فيه واحد فيهم منسي بقاله فترة طويلة (حصلت معايا و كان فيه فلتر راكب عند العجلة الشمال الخلفية و كان مسدود و منسي بقاله سنين) و نصيحتي خلي الميكانيكي يشوف فيها اكثر من فلتر و لا ايه الوضع بالضبط ،، و طالما حضرتك شاري العربية جديد يبقي الاحسن تغيرهم كلهم ( ثمنهم مش غالي و لكن دورهم اساسي) و كمان حضرتك تجرب العربية بعد ذلك و إن كانت لا تزال بها نفس العيب يبقي بيكات الكربراتير و هنا انصح إما بشراء طقم اصلاح و التوجه للميكانيكي لتركيبه و هو يشمل العديد من الاجزاء (إبرة و جوانات و بيكات و كاوتشات و قلب الرداغ و حاجات كثيرة) أو التوجه به لورشة متخصصة في الكربراتير ليتم تركيبه عن طريقهم و ياريت تحتفظ بالحاجات القديمة علشان ممكن يكون بعضها سليم و ينفعك بعدين.
__________________
سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون
|
 |
|
|
