مشكلتين مع فيرنا ستار

[Ibr@him]

اصدقائي الاعزاء

انا عندي مشكلتين مع سيارتي الجديده فيرنا ستار اوتوماتيك

1. صوت الموتور عالي
2. بتستهلك بنزين ( الصفيحه بتعمل 150 )

انا لحد دلوقتي عامل 520 كم
ارجو المساعده

[AbOnOrA]

استهلاك البنزين طبيعى بيتظبط بعد الالف الاولى والصيانة الدورية الاولى لكن مبدئياًُ مهم تتاكد من سلامة الكاوتش وضبطه وفى الصيانة الجاية هتغير وتنظف الفلاتر والزيت وباقى الاجراءات المعتادة بعدها اداء العربية هيبقى افضل لكن عامة الاوتوماتيك بيستهلك بنزين اكتر وبرضو حسب طريقة القيادة
اما بخصوص الصوت فهو نسبى ولازم برضو تتاكد من مستواه بالمقارنة بسيارات اخرى او بزيارة التوكيل فى الصيانة الاولى

[luckyman]

العربية لسة جديدة وبتلين متخافش لكن براحة وشوية شوية عليها

حبيب قلبي اخيرا لقيت واحد معاه الفيرنا استار الجديدة ربنا يباركلك فيها ويديك خيرها ويكفيك شرها نصيحة من اخوك دون كل ملاحظاتك في ورقة ده اولا ثانيا في فترة التلين ده الاستهلاك الطبيعي للعربية بعد الالف الاولي كل شئ هيتظبط وهيبقي ان شاء الله تمام

طلب من اخوك يا ريت تصور العربية عندك بالذات الحاجات اللي اتغيرت في العربية ويا ريت ترفعها علي المنتدي اكون شاكر ليك جدا وتقبل تحياتي

انتا روحت فين يا استاذ ابراهيم