هل يمكن تحويل الدركسيون العادي الي بور

[abdo4422]

هل يمكن تحويل الدركسيون العادي الي بورلسيارة فيات 131
ارجو الافادة

[hazem_khidr]

ممكن فعلا مش صعبه لو موتور العربيه ذو الكامه العلويه سواء 2 كامه او واحد كامه
لكن حتتكلف في حدود 2000 الي 2500 جنيه
حتحتاج سكترا باور(خزنه دركسيون) و كمبروسر و خزان زيت باور بالخراطيم
و طنبوره كرنك جديده
و حاجه الشاهين تركب عليها مافيش مشاكل

[بدر بسيونى]

هى ممكن بص الموضوع حوار وبيبوظ بسرعة بالذات فى الحاجات دى الفابريقة وبس

[abdo4422]

طيب هل بيعيش ام بيبوظ بسرعة زي الاخ صاحب الرد الاخير

[hossamhussein0]

بص يا باشا

عن خبرة ،، اربعة اشياء يا إما تشتري العربية فبريكة بيهم يا اما تنساهم و ترميهم

1- التكييف ( اقصد التكييف الساقع بجد و اللي ما بيتشحنش كل سنة و ما بيسخنش العربية )
2-باور ( اقصد ذو اداء جيد و حمله متناسب علي الموتور )
3- فتحة سقف ( ما بتدخلش مياه و تبقي جميلة كده و بنت حلال و ما تجيبش بارومة ووجع قلب)
4- فتيس اوتوماتيك ( الا لو كانت العربية فيه منها فبريكة كده و عندك استعداد ساعتها تغير معاه مسلزماته كلها )


القصة مش قصة فتيس بس أو علبة دركسيون بس أو تكييف بس المواضيع دي متشعبة و متوغلة في التصميم للعربية

يعني مثلا الباور (علشان ده سؤال سيادتك)

ممكن فعلا زي ما أ/ حازم تفضل و قال انك ممكن تجيب منظومة الشاهين كاملة و تركبها لان الموتور متشابه و هتبقي تكلفته في حدود 2500 ج و ده برضه كلام 100% بس فيه نقطة الباور ده ممكن يودي العربية في داهية ،،، لأن الفبريكة بتعمل حاجة اسمها Speed Valve و ده ببساطة بكون قطعة راكبه جوه الفتيس بتلف مع لفات العجل مثل فكرة ماكينة عداد السرعة بالضبط ) بس دي شغلها تقليل ضغط زيت الباور اللي طالع من الطلمبة رايح علي علبة الدركسيون الباور كلما زادت السرعة ،، و ذلك علشان الدركسيون يتقل علي السرعة العالية و يضمن سلامة السيارة و الثبات علي الطريق ،، فهل سوف تقوم بتغيير الفتيس ايضا ؟؟؟؟ أم إنك هتعرض حياتك للخطر و لو لمست الدركسيون و انت علي سرعة 100 ك يبقي بقه ،،،،،،،،،،،،،

كمان فيه حاجة ثانية مهمة جدا و هي ان زيت الباور بيكون له سربنتينة تبريد خارجية و في كثير من الاحوال بتكون مدمجة مع علبة الريداتير السفلية علشان الزيت يبرد و ما تبوظش الطلمبة و الاويل سيلات و في كثير من التصميمات بيكون زيت الباور له سربنتينة تبريد صغيرة مستقلة بخلاف الريداتير خالص ،،، فهل سيادتك كنت هتغير الريداتير كمان ؟؟؟؟؟؟

كمان حاجة ثالثة ،،، هوه بودي الشهين دلوقتي هل هو نفس ثقل بودي الـ 131 ؟؟؟؟؟ أشك في هذا و ذلك لان الفكر و التكنولوجيا الان تختلف جوهريا عن السبعينات و اوائل الثمانينات فالان يجتهدوا لتخفيف الوزن بكل الطرق لضمان اداء جيد مع توفير الوقود اما في السبعينات كان فكر المتانة و الصاج المحمل همه الاساس و كذلك سبيكة الموتور و خامتها ووزنها ،،، فبالتباعية الطلمبة ذات الفاعلية في الشاهين قد تكون اضعف في الاداء في حالة تركيبها علي بودي اثقل زي الـ 131

و عموما ده رايي و لك حرية ان تخوض التجربة