جي بي اوتو تعلن مد خصم الفيرنا والفيرنا ستار لمدة شهر

قررت شركة "جي بي أوتو" الوكيل الحصري لسيارات "هيونداي" الكورية الجنوبية في مصر مد فترة التخفيض على سعر السيارة "فيرنا" و "فيرنا ستار" 2000 جنيه لمدة شهر واحد.

وأشارت الشركة عبر حملة إعلانية إلى أن سعر "فيرنا" بعد التخفيض بات 62.000 جنيه بدلاً من 64.000 جنيه، وذلك حتى نهاية شهر مارس.

أما سعر "فيرنا ستار" وفقاً للتخفيض فأصبح 64.000 جنيه بدلاً من 66.000 جنيه ، ليستمر العرض الذي بدء مع انطلاق معرض "فورميلا الأهرام 2010" في شهر يناير الماضي.

وتُعد "فيرنا"من أكثر سيارات "هيونداي" نجاحاً في مصر في فئة السيارات "السيدان" صغيرة الحجم.

وتحمل "فيرنا" الجديدة محرك يعمل بتكنولوجيا DOCH الحديثة بقوة 1600 سي سي ، 16 صبابا بقوة 106 حصان لكل 6200 لفة بعزم قوي يبلغ 152 نيوتين لكل 4200 لفة.

أما التعديلات الرياضية المتوافرة في "فيرنا ستار" فتتضمن شبكة أمامية جديدة، وعتب رياضي بالأجناب، و"سبويلر" رياضي خلفي ، تابلوه وعدادات رياضية،و مقابض داخلية بطلاء النيكل كروم للمزيد من الأناقة ، وكذلك تم تزويد السيارة بفرش داخلي متميز للمزيد من الفخامة.

[remonds]

الله عليك يا باشا .... ايه الاخبار الحلوة دي

تصدق انا قررت فعلا اشتري فيرنا بعد رحله تردد كبيرة حوالي شهر ( محتار ايه ولا ايه ) , بس انا عاوز تقسيط ومش لاقي معرض حد كلامه واضح وصريح ويجيب من الاخر بدون مفاجات ولا لف ولا دوران

علي العموم تسلم ايديك علي الخبر الحلو دا

المشاركة الأصلية كتبت بواسطة remonds الله عليك يا باشا .... ايه الاخبار الحلوة دي تصدق انا قررت فعلا اشتري فيرنا بعد رحله تردد كبيرة حوالي شهر ( محتار ايه ولا ايه ) , بس انا عاوز تقسيط ومش لاقي معرض حد كلامه واضح وصريح ويجيب من الاخر بدون مفاجات ولا لف ولا دوران علي العموم تسلم ايديك علي الخبر الحلو دا

العفو يا باشا وربنا يكرمك ان شاء الله ونكون اول ناس تباركلك علي العربية الجديدة ان شاء الله ويديك خيره ويكفيك شرها بس نصيحة من اخوك خليك في التوكيل او موزع معتمد فعلا زي ابو غالي انا جايب الفيرنا بتاعتي من ابو غالي وهوه مضمون 200% عن بقيت المعارض الاخري

[remonds]

المشاركة الأصلية كتبت بواسطة corsair العفو يا باشا وربنا يكرمك ان شاء الله ونكون اول ناس تباركلك علي العربية الجديدة ان شاء الله ويديك خيره ويكفيك شرها بس نصيحة من اخوك خليك في التوكيل او موزع معتمد فعلا زي ابو غالي انا جايب الفيرنا بتاعتي من ابو غالي وهوه مضمون 200% عن بقيت المعارض الاخري

شكرا ليك علي النصيحه الجميله دي .... بس هو ينفع اقسط في التوكيل او عن طريقه , لو عندك فكرة ممكن تشرحلي النظام ايه وشكرا

[خالداعزالناس]

الفيرنا نفس المحرك اللى فيها من اول لما نزلت الى الان
لم يتغير المحرك
لان السياره اصلا لاتوجد الا فى مصر كموديل 2010
لانها كانت اصلا اسمها اكسنت
والاكسنت كلنا عارفين شكلها الان ازاى ؟