خشونة في الطارة بعد صيانة الالف كيلو

[صبرك يارب]

السلام عليكم

اأولا نا الحمد لله روحت عملت صيانة الالف كيلو في ابو رواش والحمد لله عالجوا المشاكل اللى كانت فيها بس انا لاحظت ان بعد الصيانة ان ناقل الحركة وطارة السواقة نشفت شويتين فعايزة اعرف السبب ياريت

ثانيا انا عايزة اركب وحدة رفع للمرايات فانا عايزة اعرف بكام تقريبا وممكن اركبه من اى مركز معتمد عشان الضمان الكهربائي يا يضيعش عليا ولا لازم اركبه في توكيل ابو رواش

[mesho70]

لو فية اى حاجة فالعربية مهما كانت صغيرة لابد من الرجوع لمركز

الخدمة تانى ( عارف المشقة اللى ممكن تشوفيها ) واثبات دة فى امر

الشغل وتصرى على كدة حتى لو المهندس قلك هنشوفها

اية المقصود بوحدة رفع المرايات و نوع العربية اية بالضبط ؟

[صبرك يارب]

وحدة الرفع بتاع الزجاج اللي المفروض لما اقفل السنتر بتاع العربية حتي وزجاج الشبابيك بيكون مفتوح يقفله علي طول

في حكاية خشونة العربية انا شايفة العربية كويسة ومفيهاش حاجة بس المشكلة سواقتها بقت اتقل بعد ما عملت الصيانة وبالذات في نقل الحركة بالنسبة بالاول

[mesho70]

وحدة رفع الزجاج انا كنت مركبها فى العربية الاكسنت القديمة كانت 1300 كاربرتير

لكن فالفيرنا قالولى متركبهاش لانها لو حدث بها عطل ( ودة وارد )

فيعمل مشاكل فالعربية لانها بتأثر على دائرة الكهرباء وكمان لو فية ضمان وحدث

مشكلة العربية بتخرج من الضمان

اما فالانسر 2010 حذرونى من تركيبها واتقلى انها ممكن تعمل مشاكل بالكمبيوتر

بتاع العربية لو حدث واتأخرت حتى شوية فى الفصل ودة مش بيبان الا بعد حدوث المشكلة

اما موضوع وجود خشونة فالغيارات إن استمر لا بد من الرجوع للتوكيل وتسجيلها كما سبق وذكرت

لانى لى تجارب كثيرة مع هيونداى مشابهة وحتى قبل الزحمة بتاعة اليومين دول اللى ممكن حاجات

كتيرة تعدى عليهم وان شاء الله ميكونش هناك مشكلة

[صبرك يارب]

شكرا جدا على الافادة وبلاش وحدة الرفع ما دام بيعمل المشاكل دى كلها