باركولي يا اعضاء المنتدي الجميل ده انا خدت فلوسي من فم الاسد

لما روحت اجدد رخصت العربية لاول مره في شهر 10/2009 اللي فات ده فوجئت ان عليه مخالفة سير عكس اتجاه وانا عمري في دنيتي ما مشيت عكس اتجاة ولا حتي في الشارع عندنا المهم دفعت 1000 جنيه وجددت وانا ماشي من المرور شئ اللهي قالي ارجع المرور شوف تاريخ المخالفة فارجعت تاني قولت اما اشوف تاريخ المخالفة الراجل في الاول قالي مينفعش روحت مزعق فيه وقلتله هقلب عليك المرور كله لازم اعرف تاريخ المخالفة فقلي طيب اصبر ثواني
ولقيته جي يقولي ان تاريخ المخالفة شهر 8/2008 وانا اشتريت عربيتي من ابوغالي في 10/2008 يعني مخالفة قبل ما اشتري العربية بشهرين المهم قالبت الدنيا واتضح ان المخالفة ديه كانت علي الارقام القديمة اللي المرور ادهالي لمدة شهر لحد ما استلم الارقام الجديده فقالولي اعمل طلب استردد لان مينفعش تاخد فلوسك بعد ما اتحطت في الخزنة قصدهم بعد ما دخلت كرشهم ومن شهر 10 اللي فات لحد النهاردة بلالي معاهم لحد ما اخدت 1000 جنيه بتاعتي تاني

عمر المال الحلال ما يضيع ابدا

[Bendary]

مبروك يا باشا

مش ملاحظين ان المرور بيلموا ملايين من حكاية السير عكس الاتجاه دى
المشكله انه ليه لو واحد ماشى عكس اتجاه مايجيلوس عسكرى ويقوله كده عكس اتجاه وحاجه من اتنين إما تتسجل عليه مخالفه او يتسحب رخصته
لكن تلاقى عليك مخالفه عكس اتجاه بدون دليل !!! امال اتسجلت ازاى ولا فيه عسكرى بتاع الكاميرا الخفيه !!!!!

[عاشق الاسكندريه]

والله رجل 100.100 احلا كلام والله فرحتنى جدا با الخبر ده تسلام دمغك لك من مليون تحيه عاشق الاسكندريه

[miam0502788391]

اولا الف الف مبروك ثانيا انت كنت المفروض متدفعش لأن السير عكس الأتجاه لازم ضبط وسحب رخصه على حد علمى

[atgps]

ألف مبروك
والله انت تستحق تاخد الفلوس ديه مضاعفة لصبرك معاهم، وياريت كل الناس تعمل كده وحتى لو فى مبلغ صغير