باركولي استلمت الساجا امبارح

[ahmedciw]

بعد اقتناعي التام ان البرتون ساجا هي الافضل في فئتها ... توكلت على الله و نزلت عزالعرب الفرع الرئيس الي في اول الصحراوي قبل البوابه و بفضل الله استلمت في يومها عربيتي ساجا اتوماتيك بدون حجز و بخصم الف جنيه كمان عن السعر الرسمي .

طبعا هجهز تقرير مدعوم بالصور لكن مبدئا هقارن السيارة دي من واقع خبرتي السابقة بالسيارات وانا بالمناسبة نازل من فيتارا 98 1600 سي سي اتوماتيك وانا مشيت بها حوالي 150 كيلو حتى الان .

1 - اولا العربية 1300 سي سي لكن ما شاء الله سحبها ناعم و قوي وحسسها اقوى من عربيتي القديمة 1600 لكن انا مجرتش بيها جامد عشان التليين .

2 - العربية ناعمة جدا على المطبات و الطرق المكسرة طبعا مقارنة بسيارتي القديمة .

3 - التقفيل ممتاز لكن خامة الطابلوه متوسطة مع توزيع جيد للمساحات .

4 - العربية واسعة جدا من جوه ومريحة للغاية و خاصة للراكب في الخلف .

5 - استهلاك البنزين مرتفع نوعا ما ( عملت معايا 9 لتر لكل 100 كيلو ) لكن اظن دا لانها لسه في فترة التليين .

6 - العربية ثابتة جدا في السرعات الي وصلتلها حتى الان و الباور بيفصل مع المشي .

7 - العزل للاسف ضعيف مقارنة بسيارتي السابقة بمعنى ان الاصوات و خاصة صوت احتكاك الكواتش بالارض بيبقى واضح جوه السيارة .


دا الي انا شفته منها حتى الان و اوافيك بتقرير مفصل لاحقا ان شاء الله .

[اماراتي 2020]

الف مبروك ممكن اي صورة للعربية والسعر ؟

[Okda]

انا مستنى تقريرك المفصل بفارغ الصبر

ربنا يباركلك فيها

[king mimo20]

الف الف مبروك يا ابوحميد ربنا يباركلك فيها يارب

[hisham853]

الف مبروك ربنا يبارك لك فيها