قسم الفيات نايم فى العسل

[ELYSMEEN]

ممكن اعرف لية القسم دة نايم فى العسل هم مفيش حد بيركب عربيات محترمة ولا اية

[بدر بسيونى]

المشاركة الأصلية كتبت بواسطة ELYSMEEN ممكن اعرف لية القسم دة نايم فى العسل هم مفيش حد بيركب عربيات محترمة ولا اية

حضرتك تقصد بايه بانه نايم فى العسل؟

الاعضاء والمشرفين بيقدموا قدر استطاعتهم

ايه قصدك بعربيات محترمة؟


ولو تقصد ان الاقبال على قسم الفيات قليل ده بسبب عدم انتشار سيارات فيات بصورة قوية وايضا قلة عدد الاعضاء الذين يملكون فيات فبالتالى حتلاقى مواضيع السيارة قليلة وعلى النقيد قسم الهيونداى حتلاقى معظم المشاراكات فيه نتيجة اقبال المصريين على العربية دى

[ELYSMEEN]

سيدى الفاضل انا مش بعيب فى المنتدى ولا السادة المشرفين الافاضل
بل اقصد انة لايوجد اى اقبال على قسم الفيات بالمقارنه بالمنتديات الاخري

[dego_story]

الناس اللى هنا عدو الفيات خلاص بقى انا بهزر على فكرة ويامعلم لو انت شايفة نايم ايدى على كتفك ونحاول نجيب موضيع جديدة بس بصراحة المشرفين بيعملو اللى عليهم واكتروبصراحة الاستاذ بدر شرحلك الفكرة بس سيبك انت نورت المنتدى وكمان من ابناء الاسكندرية

[hazem_khidr]

لو المنتدي كان موجود من 20 سنه
كان زمان قسم فيات بس هو اللي شغال و البيجو و المرسيدس
و القسم الياباني فيه مشاركات علي استحياء علاوه علي مشاكل في جوده الخامات و ما الي ذلك
و القسم الكوري مافيش كلام غير عن انها صناعه فاشله
و طبعا مش حيبقي فيه قسم صيني او ماليزي او ما الي ذلك
لكن دوام الحال من المحال !!!!
و فيات بدأت تنقرض من مصر و اتمني لها ان تتعافي و ترجع لقوتها الاولي
و عموما ممكن تبص في موضوعاتي في قسم فيات
حتلاقي موضوع عن الفيات 130 و 131 و 132
من اروع ما كتبت في حياتي
و حتلاقي مواضيع للباشمهندس سامح رمزي(sam ram)
بيتكلم عن اللانشيا دلتا و المازيراتي
خش دعبس علي المواضيع و قول رأيك فيها ايه