ارجو الرد من اهل الخبره

[mohamed_atc]

السلام عليكم لو سمحتم انا معايا سيينا 2002 مابقلهاش شهرين معايا وانا معرفش قوى فيها وعندى مشكله من ساعة ما اشتريتها وهى ان فى لمبه عندى حمرا بتنور واول ما بتنور العربيه سحبها بيقل جدا وممكن تبطل منى واجى احرك السلك اللى جنب كابلات البوجيهات تطفى اللمبه وترجع العربيه لسحبها الطبيعى وما اعرفش دى لمبة الحساسات او الرشاشات اوالكهرباء يا ريت حد يقولى دى سببها ايه عشان لو فيه حاجه عاوزه تتغير اغيرها وجزاكم الله خيرا

[king mimo20]

متقلقش دى مشكلة صغيرة فى الكهرباء وياريت توريها لحد كهربائى سيارات شاطر ويتقى الله اصلك ممكن تروح لواحد ينصب فيها نصباية

[فادى]

لو ينفع تقولنا شكل اللمبة دى ايه؟
هى غالبا من كلامك لمبة الانجيكشن و هى بتنور لما الكمبيوتر يدى Flag Errorأو علامة على خطأ ما,
أعتقد انو المشكلة واضحة من شرحك, فيه سلك بوجيه مخلوع أو ملمس, و هو بيفصل لما تمشى شوية من اهتزاز السيارة, و بالتالى البوجيه بيفصل و بتبقى العربية ماشية على 3 سلندرات "متلتة" و عشان كده متسحبش و الكمبيوتر بيدى خطأ.
الحل بسيط هو تغيير سلك البوجيه اللى فيه مشكلة و هى مشكلة بسيطة و غير مكلفة.