حركة مش حلوة من ابو غالى

[سمرى فتحى]

لما سمعت ان سعر الالنترا بقى 90 الف وعن فايدة ابو غالى ال6% قلت الحق احجز عربيه ولما جهزت كل الاوراق و كله كان ماشى تمام فوجئت بيهم بيقولوا لى ان سعر العربية هو 90 ألف بس حضرتك بتدفع مبلغ 1500 جنيه على سعر العربيه (بعد ما دفعت 500 جنيه على سبيل الجديه) قلت لهم ليه قالو لى دا كيك باك حاولت افهم يعنى ايه ومع فشل البياع فى اقناعى فوجئت به يقول لى ماتفكرشى كتير فى الموضوع ده عشان ما تتعبشى طبعا ذهلت من رده وقلت له يعنى الموضوع ده معاكم ولا مع البنك فقال لى مع البنك بس انا ماكدبتش خبر و كلمت البنك اللى بدوره قال لى دا كلام غريب وما يخصناش احنا ورجعت تانى لابو غالى وقابلت نفس الشخص وبرضو طلبت افهم وخصوصا انه كاتب سعر العربيه 90 ألف و الخانه اللى بعدها 1500 جنيه اضافيه ولحد دلوقتى مش فاهم يعنى ايه (كيك باك) ولا حتى كيك بالمكسرات ويمكن غلط فى اول حرف من كلمة كيك و لا مؤاخذة وسلم لى ع الغالى ابن الغاليهptmnlo123per111

[nora2yara]

مش هقدر افيدك قوي بس ممكن تكون خطأ في الحرف الاول زي ما سعادتك بتخمن .. لكن الكيك باك مبلغ ممكن يرجعلك .. والله اعلم ..

[ابو يمني]

هسألك بكرة الصبح في البنك وفي معرض تقسيط جنبي وهرد عليك

[AbOnOrA]

بص هو فى التقسيط فى معارض كتير بتحط قيمة فوق ال price list لعميل التقسيط تحت اى مسمى متفهمش هى كده وخلاص وهما بتعتبروها زى مصاريف ادارية للتعامل مع البنك او تقريبا البنك بيبقى ليه نسبة هما مبيبقوش عايزين يتحملوها وبيحملوها لعميل التقسيط بس اول مرة اعرف المسمى ده
بس عامة قولنا ده فى انهى ابوغالى لان ابوغالى شركتين كل واحدة فيهم دنيا غير التانية فحدد انهى ابوغالى بالظبط ونحاول نشوفلك ايه الحكاية ديه

[Dr. Bolbolan]

هاهههههه ياباشا " كيك باك " يعنى شلوت للخلف ! يعنى رجعك للسعر القديم ! يعنى لحس كلامه !

أما لو كان تغيير فى الحرف الآول زى ما حضرتك بتقول و المطبعة طبعته غلط ! ده يبق كيك بالجامد!
وفى الباك كمان ؟؟؟ ptmnlo123per1106هوه انت رايح تشترى النترا ولا زلمكه ؟؟؟

Dr. Bolbolan ptmnlo123per122