افيدونى افادكم الله ... لو عندك خبرة فى الفيات لا تبخل بالرد فى دقيقه

[nilesmile]

سلام عليكم .....
انا معروض عليا نصر فلوريدا موديل 2006 ب 23 الف جنيه فيها تكييف و 1400 سى سى
اللى عاوز اسال فيه
هل قطع غيارها متوفرة ........ و من هو توكيل نصر فلوريدا دى

اتمنا اتمنا اتنمنا الرد عليا بسرعة عشان اعرف اتوكل على الله و لا ايه

و جزاكم الله كل خير

[POP EL GAMED]

المشاركة الأصلية كتبت بواسطة nilesmile سلام عليكم ..... انا معروض عليا نصر فلوريدا موديل 2006 ب 23 الف جنيه فيها تكييف و 1400 سى سى اللى عاوز اسال فيه هل قطع غيارها متوفرة ........ و من هو توكيل نصر فلوريدا دى اتمنا اتمنا اتنمنا الرد عليا بسرعة عشان اعرف اتوكل على الله و لا ايه و جزاكم الله كل خير

باشا نصيحه لوجه الله اللى اعرفه عن العربيه دى انها بتسخن جامد ومش مناسبه للجو المصرى وان قطع غيارها مش متوفره والتوكيل كان شركه النصر للسيارات اللى قفلت اساسا دلوقتى يعنى مالهاش توكيل
والعربيه دى سعرها بيعتبر قليل على موديلها لانها مش مطلوبه ولا ليها امكانيات عاليه ولا قطع غيارها متوفره نصيحه من اخوك ابعد عنها احسن

[فادى]

فلوريدا سيارة يوغوسلافية فى الأصل تصميمها مأخوذ من الفيات تيبو و كانت تصنعها شركة يوجو التى تصنع ال128 أيضا,
لكنها لم تنل حظها من الانتشار, نظرا لقلة القطع التى استوردتها النصر من الشركة اليوغوسلافية,
هى سيارة جيدة بالمجمل و لكن عيبها الأساسى عدم توافر قطع الغيار على عكس سيارات النصر الاخرى, و لكن من الممكن العثور عليها.
التوكيل كان النصر للسيارات و لكن تم اغلاقه الأن بعد تصفية الشركة.
عامة السيارة لا بأس بها و أدائها جيد و مريحة لكن مشكلتها هى قطع الغيار فقط.

[koko1312]

السلام عليكم
أخوكم محتاج نصيحه بخصوص فيات 128 نوفا المصرى موديل 98 هل كويسه وقطع غيارها موجوده وأستخدامها على الطريق معقولة والسعر لو كويسه تعمل كام
أفيدونى لو سمحتم بسرعه
شكرا

[POP EL GAMED]

المشاركة الأصلية كتبت بواسطة koko1312 السلام عليكم أخوكم محتاج نصيحه بخصوص فيات 128 نوفا المصرى موديل 98 هل كويسه وقطع غيارها موجوده وأستخدامها على الطريق معقولة والسعر لو كويسه تعمل كام أفيدونى لو سمحتم بسرعه شكرا

باشا ال128 قطع غيارها ممكن تلاقيها فى السوبر ماركت اللى تحت البيت عندك ال128 دى عربيه الشعب وفى الجديد اللانوس هى اللى خدت اللقب ده يعنى موضوع قطع غيار ال128 ده مفروغ منه تماما وهى معقوله عربيه مدينه صغيره عاديه يعنى وبصراحه انا معنديش اى فكره عن اسعار ال128 ولا ال127 السوق واقع السوق كويس بسمع فيها اسعار كتير مالهاش رينج محدد ارجو انى اكون افدتك فى موضوع قطع الغيار ده لكن موضوع تمنها ده حضرتك ممكن تسأل فى القسم التجارى
واخيرا يا ريت حضرتك تعمل موضوع خاص بأستفساراتك القادمه تحياتى