عندي سيارة و عايز اظبطها -مين هيقولي اظبطها ازاي غيركم- :D

[Mr.7amdy]

السلام عليكم و رحمة الله و بركاته
شباب انا كان عند والدي سيارة نصر 128 و اتركنت بقالها كام سنة محدش بيستخدمها بعد ما الحج غير عربيتو
لت انا استفيد بيها بدل ما هيا مرمية كدا
بس مستحيل طبعا اركبها و هيا بحالتها دي
فقلت لازم اظبطها تظبيط عالي عشان تقضي معايا اربع سنين كدا ولا حاجة
انا عايز اظبطها من جوا ( هيكل و كدا وموتور ) و اظبطخها اكسسوارات و تظبيط الوان و كراسي و اللذي منو
بس بشرط ان يكون التظبيط في متناول الجيب
و مش كل شوية ظابط يتنططلي و ياخد عليا غرامات ععلى حجات ممنوعة في قانون مصر
و ان الحجات دي تكون اصلية
انا عايز راي خبير يقولي اعمل ايه و كل حاجة بكام و اروح فين مع العلم اني عاي فيا الاسكندرية
مستني رد الخبير :d
معلش لو كان الموضوع دا كلو على 128 بس اهي عربية الواحد يمشي بيها
شكرا

[AbOnOrA]

اهلاً بيك يا استاذ حمدى فى مصر موتورز
ا128 عربية جميلة وكلنا بنحبها طبعا بص انت اول حاجة تروح تديها الغسلة التمام وتروح بيها على العفشجى يراجع على كل حاجة بعدين تشوف الكاوتش والبطاريات اذا محتاجين يتغيرو بعدين غير زيت وفلاتر عند الميكانيكى وخلية يغيرلك طقم بوجيهات ويطمن على الكربراتير والموتور عامة والدبرياج والفتيس
اذا الات الجر تمام والعفشة تمام حط ميزانية للتظبيط وممكن ترفعلنا صورة العربية ونفكر مع بعض ايه التعديلات اللى تتعمل فى المزانية ديه بس اهم حاجة تظبطها على الفابريكا الاول وتعرف هى محتاجة صيانات اساسية ايه الاول

[Mr.7amdy]

طب تمام هعمل كل دا و لما اخلص هصورلك العربية و اشوف الميزانية انشاء الله وساعتها يحلها الف حلال
شكرا