خبره لاصحاب التعديلات على 131 فيات رايكو ؟

[Dr.Jentel]

السلام عليكم ورحمه الله وبركاته




بصراحة انا احترت وجتلكو بما ان شايف بصراحة اكترية الاعضاء بسم الله ماشاء الله

خبرة كبيرة فى العربية



انا عندى عربية 131 فيات على قدى وبصراحة نفسى اظبطها واخليها عربية شكلها جامد بجد

اكن العربية دى بتاعتكو عاوزكو تقوليلى هتعملو فيها ايه الاول من حيث الشكل عشان تبقى تحفة










ومستنى ردودكو انشا الله عشان استفاد

[Dr.Jentel]

12 مشاهدة ولا رد

فين اهل الخبرة؟

[hazem_khidr]

اهلا و سهلا يا دكتور
والف مبروك ال131 و عقبال البرافو يا رب
بص هيا ال131 و العربيات دي كلها شكلها حلو و مش محتاجه تظبيط مالوش لازمه
لان كل شغل الفيبر مش حيطلع مظبوط وحيبنها عجوزه اووي
فانت الافضل تشوف اكصدامتها لو بايظه هات اتنين استعمال حالتهم كويسه اوي و ركبهم
وكذلك الفوانيس الاماميه و الخلفيه
و طقم جنوط يكون مروحه بتاعها الاصلي او جنط حديث مافيش مانع
وتروح لسمكري كويس يضبط اجنابها و الفروقات بين الابواب
و تاخد وش بويه غالي عند واحد نضيف حتلاقي العربيه نطقت معاك من بره بدون ما يبقي شكلها مبتذل
و الصالون تعمله عند واحد بتاع فرش كويس و يضبط فرش السقف
ولو التابلوه شكله قديم شيله و هات واحد استعمال نضيف حتلاقي صالون العربيه بقي تمام هو كمان

[michohat]

المشاركة الأصلية كتبت بواسطة hazem_khidr اهلا و سهلا يا دكتور والف مبروك ال131 و عقبال البرافو يا رب بص هيا ال131 و العربيات دي كلها شكلها حلو و مش محتاجه تظبيط مالوش لازمه لان كل شغل الفيبر مش حيطلع مظبوط وحيبنها عجوزه اووي فانت الافضل تشوف اكصدامتها لو بايظه هات اتنين استعمال حالتهم كويسه اوي و ركبهم وكذلك الفوانيس الاماميه و الخلفيه و طقم جنوط يكون مروحه بتاعها الاصلي او جنط حديث مافيش مانع وتروح لسمكري كويس يضبط اجنابها و الفروقات بين الابواب و تاخد وش بويه غالي عند واحد نضيف حتلاقي العربيه نطقت معاك من بره بدون ما يبقي شكلها مبتذل و الصالون تعمله عند واحد بتاع فرش كويس و يضبط فرش السقف ولو التابلوه شكله قديم شيله و هات واحد استعمال نضيف حتلاقي صالون العربيه بقي تمام هو كمان

هوه ده الكلام التمام ال 131 جميله لوحدها

[elzaem]

السلام عليكوم
بص انا هقولك علي التعديل اللي انا هعملو في عربيتي لو هي فيات 131 بس هيكون عايز صرف شويه كتير علشان تبقا تحفا زي ماانت عايز

اولآ
الشكل الخارجي 1 تروح عند سمكري نضيف يظبط الفرقات العربيه كويس ولو هي 4 باب خليه يلغي الاكره بتاعت الببين الورا
2وبعدين تروح عند واحد بتاع عفشه يوطي العربيه علشان ال131 عليا اوي
3 وتشوف جنط 5 كروم1 علي طقم كوتش السبعات و
4تروح لحد بتاع فيبر وخليه يعدل اكصدامات باكساحه والاسبيرار بتاع البي ام m40
5وبعدين تروح لحد بتاع فوانيس يعدل الفونيس الاماميه يخليها كرستال ويعمل فيها رنجات ويعدل الفونيس الورا ويخليها لدات ودور علي المريات الكوبايا بتاعت الجناب
5 وتروح لواحد بتاع دوكو يكون صنايعي وسمعتو حلوا علشان يعمل السوك بتاعت العربيه كويس علشان السوك مش مظبوطه الشغل هيطلع زي الزفت وشوف اللون الانت عايزو وياريت تجيب بويا اسكنز علشان يبقا شغل عااالي ومعلش البويا هتبقي غاليه شويه
ولو عجبك التعديل ده ابقا اقولك علي التعديل الداخلي من الصلون الي المحرك والعفشه