ارجوا المساعده لشراء سياره بسعر 25000

[ربي اني مغلوب فانتصر]

السلام عليكم
لو معايا مبلغ 25000 اقدر اشتري اي نوع سياره ؟ وهما دول كل اللى معايا ومش عايزه اصرف على العربيه اللى اشتريها
و عايزه نصيحتكم ممكن اشتري منين ؟
ارجوا افيدوني
و ايه رائيكم فى دايو ماتيز99
وبيجو 205 سنه91

[zing0]

الدايو ممتازة بس المهم تلاقى حالة كويسه مش متبهدله
البيجو أبعدى عنه لإن قطع غيارة مش عند أى حد , محتاجه لف شويه.
الماروتى برضة هتكون موديل عالى و مناسبة للبنات بس فاضية مفيها أى كماليات من اللى فى الماتيز.

[ربي اني مغلوب فانتصر]

شكرا جزيلا لحضرتك
ولكن نصيحتكم لو عايزه اشتري ممكن اجيبها منين ؟
وهل مواقع النت مضمونه ظ
ولو هاجيب ميكانيكي معايا اديه كام علشان يكشف عليها؟
وشكرا جزيلا وبعتذر لاسئلتي الكثيره

[khaled_k21]

الاخت الكريمه

اولا نصيحه اخويه ( لا تضعي كل البيض في سله واحده ) يعني لو كان المبلغ كله اول عن اخر هو الـ 25 الف

يبقي تجيبي في حدود الـ 20 مثلا و تخلي الباقي احتياطي فمهما ان كان العربيه حاله فمن المؤكد ان في قطع قاربت علي انتهاء عمرها الافتراضي

لو تعرفي ميكانيكي ثقه تاخديه احسن لسوق السيارات في العاشر بعد ما تحددي نوع و موديل العربيه المناسبه لسيادتك

الوحيد اللي هايحدد نوع السيارة و موديلها هو احتياجاتك و مشاوريك

لكن فيه طريقة سهله انك تعملي بحث بالسعر المقترح علي مواقع النت زي كونتاكت كار و دوبيزل
يعني في رينج الـ 20 مثلا هتلاقي كل السيارات في حدود المبلغ

هل اول مره هاتسوقي يبقي تخليكي في عربيه لو حصلها حاجه لا قدر الله ماتزعليش عليها اوي

المقترح : 128 فيات - بيجو موديل اواخر الثمانينات و الاعضاء اكيد هايضيفوا احسن مني

و مبروك مقدما و ربنا يبارك لسيادتك فيها و يحفظك

[mr_astra]

نصائح لشراء سيارة مستعملة

اشترى من مواقع بيع السيارات على النت
اول ما تلاقى اعلان خدى رقم الموبايل واعملى علية سيرش على جوجل ولو طلع الرقم مقرر فى اكتر من اعلان بيع سيارة سيبك منها
اشترى سيارة تكون رخصتها باسم صاحبها
بلاش عربيات الاقاليم وخصوصا اماكن معينة بس اسف مش هاقدر اقول عشان مزعلش حد منى
خدى معاكى اما سمكرى او بوهيجى يكشف على العربية مش ميكانيكى لان الميكانيكى مش هايقدر يكشف على العربية صدقينى
صلاة الاستخارة
التوكل على الله