|
#1
03-10-2009, 11:48 PM
|
|||
|
|||
هوقفكم فى الاشارات
ازيكم
وشكرا يا جماعه على المساعده مقدما انا جديد فى السواقه واشتريت عربيه كيا جديده المشكله ان العربيه بتبطل منى كتير لما اجى اطلع من الغيار الأول مش عارف اظبط رجلى على البنزين والدبرياج مع انى ركبت عربيات تانيه بتتحرك بمجرد ما ارفع رجلى من الدبرياج ومن قبل ما ادوس بنزين يا ترى الموضوع دا ممكن يتعمل فى العربيه ولا لا وهل دا صح ولا لعب فى العربيه وغلط افيدونى افادكم الله بدل ما اعطلكم كل ما الإشارة تفتح واجى اطلع تبطل منى 
|
|
#2
03-10-2009, 11:55 PM
|
|||
|
|||
|
رد: هوقفكم فى الاشارات
اولا اهلا بيك معانا ومنور البيت الكبير
ثانيا الف مبروك على العربية وربنا يديلك خيرها ويكفيك شرها ثالثا طبعا العربية ممكن الميكانيكى لو كانت مستعملة او التوكيل لو كانت زيرو يعلو الموتور شوية ويزودو البنزين حبة بحيث انك اول لما ترفع رجلك من على الدبرياج العربية تتحرك من غير ماتضغط على دواسة البنزين رابعا وده الاهم بقى انك لازم تظبط رجليك الشمال مع اليمين يعنى ترفع دبرياج وانت بتضغط بنزين لان هو ده اصل السواقة دا لو عايز تتعلم السواقة صح تقبل مرورى وتحياتى
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب
|
|
#3
04-10-2009, 01:13 AM
|
||||
|
||||
|
رد: هوقفكم فى الاشارات
شكراً يا بلوكر على المداعبة الظريقة ديه واهلا بيك فى مصر موتورز
اللى حضرتك بتقولة طبيعى وحق مشروع طبعا بس انت نسيت تقولنا العربية ايه بالظبط وعامة اللى حضرتك بتقول ايه ده يحتاج تحقق الشروط ديه 1- ارتفاع دواسة الدبرياج يكون مظبوط صح فمتفصلش منك مره واحدة ولا تحت اوى ولا فوق اوى 2- تصميم المحرك وعزمة على عدد دورات قليلة فى مقابل وزن السيارة يكون مناسب وعامة اغلب محركات كيا وارثة عن محركات مازدا والمحركات الاسيوية عموماً صفات التادية بعزم جيد على سرعات قليلة بحيث انه يكفى تعشيق مجموعة الات الجر بسلاسة بالمحرك ليستطيع تدويرها باقل سرعة دوران (سرعة السلانسية) بدون الحاجة لضخ كميات اكبر من الوقود والمحركات ديه بالتالى بتبقى اكثر سلاسة فى الاداء وموفره اكتر فى الوقود وادائها اكثر نشاطاً لكن روح الغيارات بتبقى قليلة 3- سلامة منظومة الدبرياج - الاشعال - حقن الوقود ففى عوامل محل كشف واختبار من التوكيل للتاكد من سلامتها وضبطها بشكل قياسى وفيه عامل يخص تصميم العربية بس معتقدش انه موجود
|
|
#4
04-10-2009, 01:33 AM
|
|||
|
|||
|
رد: هوقفكم فى الاشارات
شكرا استاذ صلاح وشكرا للأستاذ أبو نور
العربيه كيا بيكانتو والمشكله انى مش لوحدى الى بتبطل منى يعنى انا غشيم سواقه صحيح بس فيه اصحابى جربوها وبطلت منهم برضه واحد قالى الدبرياج عالى أوى بس انا مش عارف اظبط الطلعه يا بنزين جامد وتفط منى يا بنزين قليل وتبطل  عموما اول ما اعمل 1000 كيلو هروح التوكيل ان شاء الله واشوف لو ممكن يخلوها تطلع من الغيار الاول بالدبرياج بس طالما دا مش هيأثر على حاجه يبقا كدا احسن واسهل وشكرا تانى على الإفاده انتم بجد اخجلتونى باستجابتكم السريعه
|
|
#5
04-10-2009, 04:09 AM
|
||||
|
||||
|
رد: هوقفكم فى الاشارات
احسن حل للموضوع دا
خد العربيه في مكان فاضي و اطلع قدام خطوه و اقف و ارجع ورا خطوه لحد ما رجلك تتعود علي العربيه لان لو الدبرياج عالي عمر ما العربيه تبطل منك حتي لو لسه جديد انما لو واطي ممكن فعلا تخونك و تبطل رأيي انك تتعلم الطلعه كويس و بعد كده حتلاقي الموضوع سهل و كمان العربيه جديده ما اعتقدش ان يبقي فيها مشكله و اهلا و سهلا بيك معانا في مصر موتورز و الف مبروك العربيه الجديده
__________________
حـازم خـضـر
|
 |
| الكلمات الدليلية |
| الاشارات |
|
|
