|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
 |
|
|
أدوات الموضوع |
|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
|
|
أدوات الموضوع |
|
#1
04-12-2014, 10:27 AM
|
|||
|
|||
اسئله مهمة للمبتدئات فى عالم السواقه
وانا بتصفح المنتدى
لقيت مصطلحات غريبه انجكشن كاربراتير جير الكترونى السلانسيه ومعنديش اى فكره عن مكونات السيارة انا عاوزة اعرف منكم ايه ايلى لازم اعرفه عن ميكانيكا السيارة كست يعنى لان فى مواضيع وحاجات قرأتها وصعب افهمها يعنى الخطوط العريضه أ ب ميكانيكا سيارة ايلى المفروض اعرفها بدون ما اتعمق لانى معرفش اى حاجه خالص 
|
|
#2
04-12-2014, 08:59 PM
|
||||
|
||||
|
رد: اسئله مهمة للمبتدئات فى عالم السواقه
اولا هى عربيتك نوعها ايه ؟
ثانيا فى حاجات لازم تتعرف زيى مثلا ظبط ضغط الكاوتش و الموضوع دا بالتفصيل سبب قوى لموت المصريين : ( ظبط الهوا عند الراجل بتاع الكاوتش ) - مصر موتورز مجتمع السيارات مهم تعرفى تغيير العجل لو عجلة نامت العدة فين الكوريك فين و بيركب ازاى و مفتاح صواميل العجل و ازاى افك يفضل برضه نعرف النوع الاول اماكن مقياس زيت الماتور و سائل تبريد الماتور ( ميه الرادياتير ) و سائل الفرامل ( زيت الباكم ) و مياه المساحات.......... الخ يفضل نعرف نوع العربية بخصوص المصطلحات إنجيكشن : يعنى حقن الوقود من خلال الرشاشات ( إنجيكتورز ) و دا فى العربيات الجديدة على اساس ان الرشاشات بتطلع البنزين زذاذ فبيبقى سهل حرقة و بيدى طاقة اكبر لان بدل ما احرق نقطة وقود كبيرة ( سطحها الخارجى هو بس اللى بيتحرق ) الافضل انى اقسمها لرذاذ فبكدا مساحة السطح حتزيد و الحرق افضل الكاربيراتير : فى العربيات القديمة قبل ما يخترعوا الإنجيكشن و دا بيخلط الهواء مع نقط الوقود فى الكاربيراتير و دا استهلاك بنزين اعلى و طاقة اقل جير الكترونى اكيد مقصود بيه الفتيس الاتوماتيك السلانسيه هو وضع الماتور و انا مدور بس مش حاطط رجلى على البنزين لان الماتور بيلف و عدد لفاته بتتقاس بحاجة اسمها rpm (عدد لفات الماتور فى الدقيقة ) revolution per minute وفى عربيات فيها عداد ال rpm و اغلبية العربيات طبيعى ان السالانسيه يكون مثلا 750 الى 850 لفة فى الدقيقة
__________________
سبحانك لا علم لنا الا ما علمتنا
|
|
#3
05-12-2014, 07:01 PM
|
|||
|
|||
رد: اسئله مهمة للمبتدئات فى عالم السواقه
جزاك الله خير على ردك انا عربيتى لانوس معرفش اى حاجه عن الميكانيكا ولا ده ايه ولا فين الموتور ولا اعرف افتح الكبوت اصلا قولت ادور على النت على شرح للحاجات دى انا بتعلم لسه السواقة بس انا ما فهمتش حكايه حقن الوقود دى والحرق والرشاشات خالص وقريت مواضيع هنا بتقول عدد لفات الموتور 3000 لفه فى الدقيقه بصراحه استغربت بصراحه الميكانيكا دى صعبه اوى عليا ومتعقدة من الكلام ايلى مش مفهوم ده
|
|
#5
05-12-2014, 11:49 PM
|
||||
|
||||
|
رد: اسئله مهمة للمبتدئات فى عالم السواقه
الحمد لله انها لانوس
انا لانوس و تقريبا نص الشعب لانوس كلنا لانوس  مصر كلهااسهل عربية و اقل عربية فى الاعطال و كل الميكانيكية حفظوها و قطع غيارها رخيصة و متوفرة هى موديل كام ؟ و أتوماتيك و لا مانيوال ؟ جديدة و لا مستعملة ؟ هاف أوبشن و لا فول أوبشن ؟ عامة اللانوس إنجيكشن العجلة الاستبن و العدة تحت فرش الشنطة لو فرضنا عجلة نايمة و لازم تتغير ركن العربية يمين شد فرامل اليد و تبطيل العربية و تعشيقها على الاول او وضع ال p لو اتوماتيك بما ان كل الشارع حايساعدك لان المصريين جدعان المهم تتاكدى ان الكوريك موجود بالشنطة تحت الفرش و كمان مفتاح العجل  حضرتك الاول قريتى موضوع ظبط ضغط العجل ؟
__________________
سبحانك لا علم لنا الا ما علمتنا
|
|
|
|
