محتاج استشير اخوتي في تجديد السيارة

[المفكر]

السلام عليكم ورحمة الله
بصوا يا جماعة العربية بتاعتي رينو 9
، العربية اتبهدلت من الركنة والخبطات والمشاكل اللي أكيد كلنا بنعاني منها، المهم نويت أجدد العربية وقلت أتوكل على الله، جبت رفرفين واكصدام أمامي وشبكة وفوانيس أمامي وإشارة لأن الجزء الأمامي عايز يتظبط، كنت بفكر أجيب سدر واريح دماغي بس الميزانية بقى فقلت السمكري يعدل سدر العربية واديني ريحته شوية.
المهم إن الفلوس طبعا قالتلي لحد هنا واسوب ومش لاعبه، برغم إني لسه مفكرتش في الصالون ولا الأبواب ولا العجل ولا في رش فقلت لا خاب من استشار.
العربية سدرها هيتضبط وعايزه تتشد بزرجينة من ورا عشان فيه فجوة بين الاكصدام الخلفي والجسم غير إنها طبعا بعد السمكرة لازم تاخد لون فكنت عايز أسأل
1- السمكرة ممكن تكون في حدود كام ونعمل في حسابنا السدر عايز شغل عشان وش العربية يتفرد.
2- فكرت إني بدل ما أرش أوفر فا أعمل فينيل بنفس لون العربية فهل هيبقى أوفر من رش حزام مثلا.
3- لو عملتها فينيل ورحت أرخصها هتعدي ولا لأ.
وزي ما قلت لا خاب من استشار ومفيش أحسن من إخوتي أعضاء المنتدى اللي أنا فعلا كلي ثقة فيهم إنهم هيفيدوني.
منتظر المشاركات.

[محمد فيصل]

يسر الله امرك على افضل ما يكون
ولكن الحكم الفعلى يجب ان يكون لسمكرى ثقة وبعد وجود صور كافيه للحكم على الاعمال المطلوب إنجازها

[ahmed_eng2001]

ربنا يسهلك الحال ...
صعب جدا ان حد يديك رينج سعر ... كل سمكرى ممكن يديك سعر مختلف عن التانى
موضوع الفينيل ده انا لسة سامع عنو مش شوية و لسه مجربتوش
ان شاء الله انا ناوى اجدد عربيتى كمان
متابع معاك

[المفكر]

طيب رش الحزام أوفر ولا الفنيل وبالنسبة للمرور الفنيل عادي؟ واشكر استاذ محمد والمهندس أحمد على الاهتمام والمشاركة