سيراتو vs فلوانس vs كورولا

[sameh samer]

محتاااااااااااااااااااااا ر
أنا عايز عربية مستعملة فى حدود 120 ألف أهم حاجات
1) موتور و ثبات محترم
2) عزل عزل عزل مش عايز أحس انى فى ملاهى
3) شوية دلغ و كماليات
محتار بين
1) سيراتو : سرعة و ثبات و كمليات تحفة و هنكون أعلى فئة ماشية قليل و ديه حاجة مهمة جدااااااااااااا
2)رينو فلوانس : بصراحة على كلام الناس محترمة أنا مجربتهاش
3)تويوتا كورولا : اعتمادية و اسمها يكفى بس هتبقى أقل كماليات

انا استبعدت الجيتا و السيفيك لأنهم هيبقوا كسرين ال 100 ألف كيلو و هخاف منهم بصراحة ده خراب بيوت

و استبعدت الصينى الزيرو لأن اخرهم 3-4 سنين و بعتبرهم مجازفة

رجاااااااااااااااااء بلاش تحيز و ياريت لو تجارب شخصية

شكر ااااااااااااااااااا

[hhhesham]

انا مجربتش ولا واحده فيهم بس الكورولا طبعا

[no love]

هو مين قالك ان السيراتو
سرعه وثبات وكماليات تحفه سرعه وكماليات اوك
بس هو فين بقي الثبات اللي في السيراتو اصلا
ولو فكرتك عن الثبات في السيراتو لحد 140 وده اخر جريك يبقي اه هتبقي ثابته بالنسبالك

والكورلا ايضا مسمعتش عن حاجه اسمها ثبات
الفلوانس بالنسبالهم البطل لو انت حصرت اختياراتك في دول بس

[no love]

ونسيت اقولك ان عربيه بالسعر ده وتستني منها كل ده مع بعض مجتمعين صعب ومع شرطك للحاله وال كم
موتور وثبات محترم وعزل محترم بدون رفاهيه عاليه الالنترا ال 2010
احسن من ال 3 اختيارات بتوعك وبدون تحيز واسال الاول واسال مجرب

[hhhesham]

المشاركة الأصلية كتبت بواسطة no love ونسيت اقولك ان عربيه بالسعر ده وتستني منها كل ده مع بعض مجتمعين صعب ومع شرطك للحاله وال كم موتور وثبات محترم وعزل محترم بدون رفاهيه عاليه الالنترا ال 2010 احسن من ال 3 اختيارات بتوعك وبدون تحيز واسال الاول واسال مجرب

انت كده جبت من الاخر والله و لو عايز حاجه من الاخر زود شويه و هات اوكتافيا a5