|
#1
21-09-2009, 05:40 AM
|
||||
|
||||
|
مقلب حرامية
مقلب حرامية ___________
دراما هزلية ______________________ الاول **** حى المطاريد بأطراف المدينة كان ينقسم الى شقين البحرى ويتزعمه المعلم زغلول الجحش والقبلى ويتزعمه المعلم حسونه البغل! وبين الجحش والبغل ما صنع الحداد على الرغم من أنهما من نفس الفصيلة!! فصيلة الحرامية والمقاطيع!! ولا يمر يوم دون مقالب بين الطرفين أو على الاقل مناوشات! حالة العداء دائمة والغل مستمر والقطعية أبدية وكان لكل منهما مساعد من أبناء الشيطان مساعد البغل هو الاعور ومساعد الجحش هو سنجة وجاء سنجة اليوم للمعلم الجحش وهو فى غاية الضيق صارخا: -يامعلمى يا كبير احنا اتبعزقنا صرخ فيه زغلول: -ازاى الكلام ده ياد!! -الزفت البغل اتعدى علينا يا معلم فى عملية سرقة النهارده وسبقنا ولهف السبوبة -نهار أمه طين00 لازم نرد له القلم -أنا فكرت له فى خازوق يطلع من عينه -قول ياد00 -احنا يا معلمى00نروح نسرق السريقة من عأر داره ضحك المعلم ساخرا: -سقفوا يارجاله لسنجة00أيه الحلاوة دى والعبقرية اللى نزلت على دماغك يا حمار من غير مناسبة يابن ال000 دى كانت تضيع فيها رقاب -أنا حاطط خطة يا معلم -جتك نيلة00أخرس شوفوا يارجاله00 الزفت اللى اسمه البغل لازم يتربى 00 وعشان يتربى لازم نفقعه مقلب سخن حد عنده فكره يقولها قالوا بصوت رجل واحد: -لأ يا معلم -معلوم ان كلكم بهايم شوفوا ياد منك ليه00 الواد الحيوان اللى اسمه الاعور زى ما أنتم عارفين نسوانجى00 واللى ديته نسوان00استغفر الله العظيم00 نجيبله نسوان ونوقعه00 هوه صحيح شغل قرنيه00 والعياذ بالله لكن الحرب ايه ياولاد00؟ ردوا بصوت واحد: -خدعة يا معلم -عليكم نور قال سنجة: -يعنى أيه الخوطة يا معلّمّة؟ -شوف يا حمار 00 ح تجيب بت ملعب 00تاخد قرشين 00وتظبط لنا الزبون قال سنجة معترضا: -معلهش يامعلم كله الا تركيب الدش -دش أيه يا بن العبيط -اللى كان زمان أريال وأترقى بقى دش يا معلمة أنا آخرى وصلة قال المعلم: -أهى هيه الوصلة يا حمار البت تنوم الاعور بمخدر طبعا باحترامها وشرفها بعد وصلة رقص 00غزل00 مناغشة00لكن بالادب00 كله الا قلة الادب قال سنجة متلهفا : -وبعدين يا معلم -شوف يا حمار00أهم حاجة ف المقلب أنك تجيب حمار رهوان تلفت سنجة حوله فقال المعلم: -صحيح أنت حمار ورهوان لكن أنا عايز حمار بجد قال سنجة بغباء: -قصدك حمار حقيقى00حصاوى يعنى -كده تبقى فهمت يا حمار -وبعدين يا معلم قال المعلم زغلول: -شوفوا يا رجاله 000000000000000000000000 وفى اليوم التالى 00 كان حمارا حصاويا عالى القامة ينطلق مهرولا وهو يحمل على ظهره الاعور مجردا من الملابس تماما كما ولدته أمه وملصق على قفاه لافته كبيره مكتوب عليها "المعلم حسونة البغل فى الخدمة توصيل الطلبات للمنازل00 السعر شامل الضريبة والخدمة" وكانت الفضيحة بجلاجل والقلم رن على قفا البغل الذى استشاط غضبا وهو يتوعد الجحش بالانتقام تتبع
__________________
|
 |
| الكلمات الدليلية |
| حرامية |
|
|
رد: مقلب حرامية
