السياره بتحدف يمين

[lina y]

معي سياره هوندا 2009 vti بالاحظ انها بتحدف يمين وبيكون وضع الدركسيون متسنتر معيا فبضطر اكسر سنه شمال علشان تمشي صح روحت ظبط زوايا مرتين دون حل زي ما هي واخر مره روحت تاني اظبط زاويه بس عند حد تالت غير اللي روحتلهم قبل كده كشف وقالي ان في الجلبتين اللي في المقص اللي قدام مقطوعين وعيزين يتغيرو فهل هو ده العيب اللي فيها ولا لا واغيرهم فين وهل ممكن اروح التوكيل في الموضوع ده ولا ايه ارجو الافاده وشكرا

[amir elgamal]

سيب الدريكسيون وانت على سرعة عالية 80 او 100 مثلا وانت ماشى مستقيم وشوف العربية هتكسر ولا لا
"لسلامتك خلى ايدك قريبة من الدريكسيون جدا والاختبار ده 3 ثوان فقط وامسك الطارة ثانيا"
لو مشيت فى خط مستقيم يبقى فك الدريكسيون واعدله سنه شمال مش عارف حد فكه قبل كده ولا لا؟؟
ممكن يكون عيب بسيط جدا فى عدلة الدريكسيون

[mr_astra]

لا جلب المقصات ما تعملش العيب دة
لو فعلا الزوايا مظبوطة يبقى فى كاوتش متاكل عن التانى او حاجة من هذا القبيل
جرب تعمل كروس للكاوتش

[ali zahran]

المشاركة الأصلية كتبت بواسطة lina y معي سياره هوندا 2009 vti بالاحظ انها بتحدف يمين وبيكون وضع الدركسيون متسنتر معيا فبضطر اكسر سنه شمال علشان تمشي صح روحت ظبط زوايا مرتين دون حل زي ما هي واخر مره روحت تاني اظبط زاويه بس عند حد تالت غير اللي روحتلهم قبل كده كشف وقالي ان في الجلبتين اللي في المقص اللي قدام مقطوعين وعيزين يتغيرو فهل هو ده العيب اللي فيها ولا لا واغيرهم فين وهل ممكن اروح التوكيل في الموضوع ده ولا ايه ارجو الافاده وشكرا

جلب المقصات او العجل او الاسكتره تسبب المشكله اولا اتاكد من العجل وثانيا جلب المقصات