حسبى الله ونعم الوكيل فيك يا غبور

[M.Farook]

يا جماعة امبارح عديت عالتوكيل بعد مكنت سمعت من ناس ان فيه فترة زمنية محددة لازم معديهاش بين كل صيانة والتانية لو مش عاوز عربيتى تطلع بره الضمان
امبارح رحت التوكيل وقاللى بمنتهى الوضوح انه ملوش دعوة بالكيلومترات اللى عملتها العربية ولازم اروح كل 6 شهور حتى لو العربية عاملة بس 100 كيلو اغير كل انواع الزيوت فالعربية ( موتور + باور + فرامل + فتيس ) و كمان مية الراديتير والا اطلع مالضمان !!!!!
انا استخدامى للعربية خفيف يعنى فال 6 شهور دول هكون عملت الف - الف ونص بالكتير يعنى مقداميش غير انى ادفع دم قلبى فالصيانة من غير لزمة او استنى اول 6 شهور لو مفيش فالعربية عيوب فنية انفض للصيانة وابقى طلعت عربيتى مالضمان
او الحل التالت اشوف رينو بتعمل نفس قلة الادب دى فى اللوجان ولا غبور بس اللى بيستهبل
بجد عاوز اشتم بس مش عاوز اتوقف من ادارة المنتدى - ربنا ياخدك يا غبور حد يقول آمين معايا

[AbOnOrA]

استهبال واستعباط كمان طبعاً وانا لو منك اكبر دماغى من التوكيل خالص العربيات ديه مهياش عقدة يعنى ولا محتاجة توكيل بالعكس كل الصيانات هتعملها بره التوكيل اوفر واحسن وعلى عينك

[AbOnOrA]

صحيح هو انت معاك ايه (العربيه)

[M.Farook]

معايا بوينتر وكنت عاوز اجيب فيرنا بس بصراحة بعد الحوار الفكسان ده هفكر فاللوجان

[AbOnOrA]

الفيرنا لو هتيجبها تروح تعمل اول صيانة وتكبر دماغك من التوكيل خالص ولا ليه لازمة طالما العربيه اساسيتها سليمة ومفيهاش عيوب صناعة الصيانات اللى هتعملها فى التوكيل تعملها بره بمزاجك وعلى عينك وارخص النص
بس بصراحة اللوجان اقيم واسوع ولو استخدام عائلى تبقى الافضل