اصحابى الفيرناوية
عندى مشكلة فى الفيرنا ان صوت العربية عالى على السلانسية
قولت يبقى الحساس الايدل عاوز نضافة جبت اسبراى و نضفت السواد اللى كان جواه وكمان باقى الحساسات و البوابة
المهم انه اتظبط يوم واحد و باظت تانى
قولت اسال علي الحساس جديد يمكن هو باظ خالص
لقيتة فى التوكيل ب 525 جنية (حرامية طبعا) و لقيتة بره ب 325 جنية
فى الاخر جبت واحد استيراد ب 200 جنية وركبتة واشتغل تمام بعد يومين رجعت المشكلة تانى
روحت لواحد كهربائى اخد القديم و نضفة كويس و بعدين فصل كهربة العربية و اشتغل زى الفل بعدها بحوالى 4 ساعات رجعت تانى
كلمت واحد صاحبى فى التوكيل قالى هاتها نكشف عليها و طلع الكشف ب 180 جنية بردو مش عارف ليه و مروحتش طبعا
المهم هو فعلا عيب حساس
ولا المشكلة فى حاجه تانية
انا اسف للاطالة
__________________
اللهم صلى و سلم على سيدنا محمد
|
17-02-2014, 03:54 AM
