طريقة اصلاح سربنتينة السخن وتركيبها ودمجها لدايو لانوس...بالتفاصيل والصور

[مصطفى-حسن]

السلام عليكم ورحمة الله
الموضوع دة تكملة لموضوع عملتة من فترة اللى هوة
http://www.masrmotors.com/vb/showthread.php?t=121496


فى الموضوع السابق عملت خطوات فك سربنتينة السخن عشان اصلحها
وكان المفروض انى ارفع الموضوع دة بعدها بايام معدودة لكنى اتشغلت بحاجة على المستوى الشخصى فدة اللى اخر الجزء التانى من الموضوع اللى هوة اصلاح السربنتينة وتركيبها تانى

ونخش فى الشغل علطول

طبعا فى نهاية الموضوع سالف الذكر انا كنت فكيت سربنتينة السخن وطلعتها عشان اصلحها وكانت المشكلة ان فيها ماسورة مصدية ومتاكلة

دورت كتير على ماسورة المونيوم قطرها الخارجى 20 مم لكن للاسف ملقيتش
فمكنش قدامى غير انى اجيب ماسورة مصمطة وافرغها على المخرطة واعملها ماسورة
وقد كان
اشتريت ماسورة المونيوم خام قطرها الخارجى 20 مم وطولها تقريبا 40 سم





وخدتها ورحت المخرطة
وقلت للخراط انى عايزها بنفس الطول بتاعة القديمة
لكن الجدار الداخلى بتاع الماسورة يكون تخين
اتخن من الاصلية يعنى عشان يستحمل
وقلت بالمرة بما انى جبت حتة المونيوم خام يبقى اعمل الماسورتين بالمرة
وبدأ الراجل يشتغل
وهسيبكم مع الصور وهيا هتشرح كل حاجة















وبعد الراجل ما خلص شغل كانت النتيجة ممتازة
وفى الصورة اللى جاية هتشوف الفرق فى تخانة الجدار الداخلى بتاع الماسورة الاصلية والجدار الداخلى بتاع الماسورة اللى انا عملتها على المخرطة



وبعد كدة خدتهم لبتاع لحام ارجون (لحام المونيوم)
وفور الماسورتين القدام
وركب الاتنين الجداد ولحمهم تمام
ودة كان الشكل النهائى




وهنا هنشوف الفرق واضح بين المواسير الجديدة والماسورة القديمة





وبعدين خدت السربنتينة ورحت البيت
عشان اغسلها تمام قبل ما اركبها فى دورة المية
وعملت حسابى وجبت مزيل صدأ اغسل بية
بس قلت الاول اغسل بالمية السخنة





جبت حتة خرطوم صغيرة وركبتها فى الحنفية والناحية التانية فى الماسورة
وفتحت المية السخنة على الاخر
ودى كانت صورة المية اللى طالعة من السربنتينة


وسبتها لفترة لحد ما المية بقت تطلع نضيفة
بالمنظر دة


وبعدين فضيت السربنتينة من المية السخنة
وفضيت مزيل الصدأ كلة مرة واحدة فى السربنتينة


وركبت الناحية التانية من الخرطوم فى الناحية التانية من الماسورة
يعنى ببساطة قفلتها على نفسها
وفضلت ارجها جامد بايديا وبعدين سبتها لمدة ساعة
ورجعت فكيت ناحية من الخرطوم وركبتها فى الحنفية
وفتحت المية السخنة على الاخر
ودة كان المنظر




ودة كان الشكل النهائى للسربنتينة


ودى مقارنة بين السربنتينة قبل الصيانة وبعدها


وبعد كدة مراحل التركيب فى مكانها




















كدة انا خلصت التركيب والتقفيل
فاضل دمج السربنتينة فى دورة المية


الاول لازم تبقى فاهم انك عشان تلغى السخن
بتوصل من الخرطوم دة للخرطوم دة



وفية ناس بتبقى مشغلة مية السخن للبوابة فهتلاقى مشترك تحت ادوات التغذية بياخد ويدى منها ودة ميعطلش حاجة
طيب عشان تدمج السربنتينة فى دورة المية هتعمل اية
هتاخد من الخرطوم رقم 1 الى طرف السربنتينة رقم 2
وهتاخد من الخرطوم رقم 3 الى طرف السربنتينة رقم 4
طيب لو عندك مشترك مية تحت ادوات التغذية اللى هوة بتاع مية البوابة
يبقى هتاخد طرف منة لطرف السربنتينة رقم 4
والصور هتشرح لك




اللى فات دة هوة مخطط التوصيل والدمج فى دورة المية
واللى جاى هيا خطوات التنفيذ عملى
تابع الصور














وبعد ما خلصت
حطيت المية اللى هستعملها
وخدت الهوا
وشغالة معايا بقالها فترة طويلة ومستمتع بالهوا الدافى بعد ما اخلطة بالهوا الساقع سواء من الفريون او من الهوا الخارجى للسيارة
ولو اى حد عندة استفسار انا حاضر