|
#1
08-01-2014, 01:44 AM
|
||||
|
||||
تظبيط عفشة سبرانزا 516
من فترة سالت حضراتكم عن اى انواع المساعدين افضل لاسبرانزا 516
وبشكر كل اللى ساعد فى الرد دورت كتير فى صفحات منتدانا الجميل على تجارب الاعضاء فى تغيير المساعدين الخلفى والامامى وكلنا عارفين ان مساعدين وبطاحات ومعظم العفشة هى لانسر بومة 1600 سي سي لكن كان نفسي اجيب مساعدين مونرو وبالسؤال لاكثر من عضو اتضح انها حظوظ ونفس النتيجة بالنسبة لمساعدين الـ KYP سالت عند لهيطة فى التوفيقية ودة موزع معتمد واشك انة الوكيل لان الوكيل هو غبور قالى ان الامامى مش موجود والخلفى سعرة 760 جنية فهاؤلكم انا عملت اية جبت جلب مقصات بتاعة لانسر وخلى بالكم لان سعرها من 30 جنية للجلبة الواحدة الى 130 جنية للجلبة الواحدة الكبيرة طبعا بتاعة لانسر اصلة وجبتها من عند حبلص اللى فى الحرفيين جبت عدد 2 جلبة وبلى بطاحات من نفس التاجر بـ 110 للواحدة لانسر اصلى نزلت شارع دمش وجبت من زكى جرجس الحاجات الاتية جوز بيض طرف صينى بـ 100 جنية ودى صورتة  جوز بيض مقص صينى بـ100 جنية ودى صورتة  جوز بطاحات صينى بـ 130 جنية  جوز مساعدين امامى صينى بـ 360 جنية  جوز مساعدين خلفى صينى بـ 250 جنية بس خلو بالكم فى نوع بالطبق وفى نوع من غير الطبق انا اشتريت الطقمين واشوف انهو اللى هايركب وارجع التانى وطلع ان الاثنين واحد فبالتالى يبقى ابو طبق انسب ودى صور العادى واللى بطبق   وعلبة السجاير دى مش مع المساعدين ولا حاجة ودى صورة للبيض بعد تركيبة ولزيادة الامان لازم تدى بيضة المقص بنطة لحام  واشتريت جوز كبالن صينى بـ 280 جنية وفى نوع بـ 180 جنية بس مش كويس وللاسف الموبايل كان فضى شحن معرفتش اصورة وخرجت من عند العفشجى ورحت جبت اربع فرد كاوتش كومهو فيتنامى من عند اشرفكو الفرع الجديد اللى فى جسر السويس قبل الجراج مباشرة وسعر الفردة 425 جنية شامل بلف وترصيص ونيتروجين النتيجة بامانة زى الفل زى الفل زى الفل العفشة بقت مكتومة اوى ومبقتش احس بالمطبات الصغيرة اللى كنت بحس بيها الاول الشاهد من الموضوع ان المساعدين الاصلى بتوع سبرانزا مش وحشين ولا حاجة لان فرق السعر كبير اوى بصراحة سعر الـKYP 950 جنية للامامى وبرضة مش مضمون العربية حسيت انها عليت شوية وبالمرة بقى وانا فى شارع دمشق جبت شاشة اللى بتركب على مراية الصالون 7 بوصة بـ 450 جنية وجبت كاميرا ركن ركبت اسفل الشنطة فى مكان مش باين بـ 200 جنية وصورتها معقولة اوى باليل وممتازة بالنهار جبت كسوة للكراسى جلد خالص خامة محترمة اوى بـ 400 جنية عملت ارضية جلد للصالون والشنطة بـ 280 جنية واكلت عند جاد فى اخر الشارع بـ 16 جنية 2 شاورمة بس لى سؤال فى الشاشة لانها جننتنى لما بحط عليها MP3 + ملفات فيديو ....بتختفى ملفات الفيديو انما لما بحط عليها ملفات فيديو فقط بيشتغلو حلو اوى حد يعرف المشكلة فى اية
__________________
يااااااااااااا رب إرحمنا بقدرتك علينا 
التعديل الأخير تم بواسطة mr_astra ; 08-01-2014 الساعة 01:53 AM 
|
|
#3
08-01-2014, 09:36 AM
|
||||
|
||||
|
رد: تظبيط عفشة سبرانزا 516
بالنسبة للشاشة بتشتغل اما من فلاش دسك او من كارت ميمورى sd/mmc
اللى مكتوب عليها MP5 زى اللى انا اشترتها بتشغل معظم الامتدادت لكن بالتجربة افضل صورة لما يكون الامتداد MPG بدخل على التيوب وبنزل اى فيديو انا عاوزة وبحولة ببرنامج Movavi Video Converter 14 سهل اوى وزى الصاروخ والخرج بتاعة حجمة قليل طبعا الصوت بيخرج على الكاسيت على موجة الـ FM وعلى حسب التردد اللى حضرتك عاوزة تركيبها بالظبط فى 30 دقيقة وما فيش غير 3 سم سلك بين سقف العربية والشاشة والموضوع سهل بصراحة وملعبش فى كهرباء العربية خالص حد بقى يعرف المشكلة دى من اية
__________________
يااااااااااااا رب إرحمنا بقدرتك علينا
|
|
#4
08-01-2014, 10:32 PM
|
||||
|
||||
|
رد: تظبيط عفشة سبرانزا 516
لالالالالالالالا انا كدة زعلان وواخد على خاطرى من كل من السادة الاتى اسماؤهم بعد:-
استزنا / كارز ادماير الاخ / احمد على الاخ / عمرو السيسي الاخ / هشام الجزار مفيش حتى مبروك تدوبهم فى العافية تلمولى عشان صرفت كتير .....اى حاجة يا جماعة
__________________
يااااااااااااا رب إرحمنا بقدرتك علينا
|
 |
|
|
لما بحط عليها MP3 + ملفات فيديو ....بتختفى ملفات الفيديو 
