انا بقي عايز اخد رايكم في موضوع

[طاهرع الوهاب]

انا بعد ما ادبست في العربيه الافيو وكمان مكنشي عندي خبره ولاقيتها افيو 1 وكوري وموديل 2006 فيها شويه مشاكل حساس بايظ وكمان عداد الحراره والكيلوات مش شغال والمشكله الاكبر اني من محافظة المنيا اللي مفهاش ولا ميكانيكي ولا كهربائي كويس تفتكروا اروح بيها القاهره ولا ابيعها واريح نفسي انا جبتها 56 الف تفتكروا ممكن تنقص كام ولا اظبطها واخليها وخلاص بس هي معايا بقالها حوالي شهر وقرفاني يعني حد يقولي رايه

[مصطفي توني]

جرب الاول شوف ميكانيكي نضيف احد الاعضاء يقولك عليه وروحلو وخليه يظبط العربية بدل ماتبعها وهي كده وممكن تخسر فيها والله اعلي واعلم

[eng/walaaeldeen]

السلام عليكم
انت منين من المنيا ورحت لمين من الميكانيكيه والكهربائيه
والله المستعان

[elnagar175]

سلام عليكم
السيارة محتاجة توضيب بسيط مش علشانة تبيع وتخسر
السيارات الحديثة بتعتمد على الحساسات فى تحسين اداء المحرك
ولو فية حساس بايظ بيعمل مشاكل للكنترول ولو حساس الحرارة لا يعمل فهوة بيخلى المحرك ملخبط وياكل
بنزين ويهبب الجكمان لسوء حريق الوقود جيدا ولما تصلح كل دة وتلاقى السيارة بحالة جيدة هتعجبك وتحبها وشكرا والسلام ختام وللزيارة على صفحتى اتشرف بيكم وكل عام وانتم بخير
‏‎www.facebook.com/servicemotors

[طاهرع الوهاب]

والله العظيم انا ما عارف اشكركم ازاي علي الردود دا اولا اما بالنسبه
انا من المحافظه نفسها مركز المنيا ايضا ورحت لناجي الكهربائي ودا افضل واحد في المنيا المركز وميكانيكي اسمه مجدي كنت بتعامل معاه من زمان لما كان معايا لانوس
اما بالنسبه لموضوع اظبط اللي فيها ياريت حد يكون كويس في المنيا تقولوا حضراتكم عليه لان موضوع القاهره صعب بالنسبه لي علشان الشغل وضيق الوقت وكمان اللي مكسلني اني حاسس اني اتخميت فقولت اغيرها حتي لو بخساره واريح دماغي