تجربة تغيير شجرة البنزين للفيرنا لاول مرة
السلام عليكم ورحمة الله وبركاته
كل عام وانتم بخير
امبارح وانا داخل بسيارتى الفيرنا لمكان عملى بالشركة..لاحظ احد زملائى وجود تنقيط لسائل من اسفل سيارتى وبعد ان ركنت طلب منى اعادة تشغيل السيارة ..وبالفحص اسفل جسم السيارة وجدت ان البنزين ينزل بغزارة من عند خروج وصلة البنزين من التانك كانك فاتح حنفية...وانزعجت جدا وحمدت الله انى وصلت من بيتى لعملى بالسيارة دون حدوث مكروه...وقال لى زميلى انه يجب تغيير وصلة البنزين وتسمى بالشجرة..ونظرا لخطورة الامر ..اصطحبته معى لاحد ورش الميكانيكا يعرف صاحبها لانه عنده سيارة اجرة يعمل عليها ابنه..ويتعامل معاه من زمن وانه صنايعى كويس...الغريبة بقى عند اعادة فحص السيارة عند الميكانيكى ..لم تنزل نقطة بنزين واحدة من الوصلة اسفل السيارة...المهم قام الميكانيكى بفك كنبة الكرسى الخلفى للوصول الى فتحة طلمبة البنزين. اسفل الكنبة..ولم يجد يجد اى رشح او تسريب ...طلب منى انى ادوس دواسة البنزين...لم نجد
اى نقطة بنزين لااسفل السيارة ولا اسفل الكنبة...امر غريب فعلا...المهم طلب تغيير وصلة البنزين(الشجرة) للامان.. وقمت بشراء واحدة جديدة..كاملة بدون مواسير زيت الفرامل بمبلغ240 من 250...المهم قال لى اترك السيارة وعدى عليا 8 مساء...المهم لقيته غير الوصلة وكمان تطوع من عنده انه قام بتغيير فلتر البنزين بالمرة وبصراحة انا نسيت اقوله يغيره بالمرة لانه موجود تحت الكنبة...المهم اخد منى مصنعية 150 جنيه ومرضيش ينزل اى مليم وقالى انا باغيرها ب190 وعشان انت معرفه اخدت 150 اكراما لصاحبك ..وكمان اخد منى 40 جنيه تمن فلتر البنزين...موش عارف الراجل ده فعلا اكرمنى والا ضحك عليا وقالى ان التوكيل بياخد 800 تكلفة الوصلة..نسيت اقول لكم ان العربية موديل 2011 واول ماشاف العربية قاللى دى العربية جديدة....يعنى شكله طماع.المهم ان بعد تغيير الوصلة وفلتر البنزين لاول مرة حسيت ان العربية ارتاحت وموش مخنوقة فىبداية الغيار الاول والتانى زى ماكنت باحس بيه ...واحمد الله تعالى انه لم يحدث لى اى مكروه نتيجة تسرب البنزين ولما سالته عن سبب التسريب الغريب ده قاللى ان فيه خرطوم كان مشقق من ناحية الموتور وان البنزين كان بيسيل منه ويجرى على الوصلة لاسفل العربية...وعلى فكرة الوصلة دى معمولة بطريقة غبية عبارة عن ماسورة حديد وبها وصلات خراطيم كبس يعنى لو خرطوم منها باظ تغير الوصلةكلها للامان دون محاولة اصلاحها كما افهمنى الميكانيكى
اسف للاطالة بس حبيت ادى فكرة عن تجربتى ليستفيد منها باقى الاخوة الكرام
__________________
الحلوة دى ....بلدى السويس
مدخل قناة السويس 
|
10-10-2013, 10:41 PM
