الميكــــانيـــكى نصــــب عليـــــــــا

[ALAAELDEEN MOHAMED]

السلام عليكم ورحمة الله ،،

العربيــــة لانســــر 1999 كاملة مانيوال ..

كنت بسمع صوت رزع عند المطبات ، وصوت شخللة وحاجات كتير ، المهم رحت للميكانيكى هو شغال عفشة وميكانيكا ، قالى مساعدين ومقصات ، قلت يارب تبقى كده وبس !!
سألت عند واحد تانى قالى نفس الكلام ، قلت تمام ، قلت اغيرها عند واحد قريب من بيتنا وتبع واحد معرفة هو اللى قايلى عليه ، المهم رحـــت ،
غير الحاجات دى :
1-سير كاتينة . (لأنى لسه مشترى العربية قريب)
2-مساعدين أمامى .
3-مقصين أمامى .
4-دراعات او بارات داخلية وخارجية لعلبة الدريكسيون .( مش فاكر الاسم بالظبط )
5-فلتر بنزين .
6-أويل سيل كرانك أمامى .
7-قاعدة موتور سفلى . هما 2
8-كوتشة مزيكا .
9-كوتشة أفيز ميزان .
10-كوتشة صدادة مساعد .
دا اللى انا فاكره للأسف لأن الفواتير ضاعت .

المهم : بقا ، كل الحاجات دى تكلفة مصنعية الميكانيكى كام ، يعتبر عفشة كاملة ، بس فعلاً أول ما قالى السعر أتصدمت وحسيت أنى أضربت قلم سُقع كده وأضطريت أدفع مرغماً بعد ما قللت 50 جنيـــه بس !!

هقولكم السعر فى الآخر خالص بس الحاجات دى تغييرها يعمل كام ؟؟ سعر المصنعية يعنى .

أفيدووووووووووونى أفادكم الله ..

[zing0]

من 150 لـ 250 جنية و الله أعلم
ده ركب سير الكاتينة و أولسيه الكرنك و قواهد الموتور
و بعدين حل العفشة كلها و ركبها تانى
و أكيد أخدت منه وقت كبير