مفيش حد يقولى اتصرف ازاى

[SAMAR FAWZI]

السلام عليكم ورحمة الله وبركاتة
انا عضوة جديدة معاكم بس دايما كنت بتابع مصر موتورز واستفدت منة فى كذا حاجة وانا دلوقتى فى مشكلة ومش عارفة اتصرف ازاى ..
الموضوع انى كنت عايزة اشترى عربية يوسد بالتقسيط وانا من اسكندرية وفضلت ادور على أفضل نوع ويكون مناسب لامكانياتى لاقيت ان لانوس كويسة وخصوصا انى مش بحب الهاتش باك عايزة حاجة صالونها واسع المهم انى لاقيت ولاقيت كمان المعرض اللى ممكن يجيلى عربية مستعملة وفى نفس الوقت بالتقسيط كل دة اوكى
الموضوع بقة ان المعرض جابلى عربية لانوس 2010 ب 57000 الف ملاكى البحيرة وهتدفع 27000 مقدم + تخليص اجراءات + تأمين
و فى حدود 950 قسط لمدة 5 سنين
مشكلتى بقة انها ملاكى البحيرة وللاسف مفيش حد يقدر يقولى العربية كويسة ولا لاء انا اخويا مسافر برة مصر وولدى متوفى ومامتى مش بتفهم اوى فى العربيات
والمعرض قالى انة هيخلصى كل الاجراءات بتاعت النقل
ثانى حاجة ان المعرض اخد منى 6000 جنية كعربون وكنت منتظرة انة يتصل يقولى تعالالى عشان الاجراءات خلصت وتكملى باقى المبلغ وتاخدى العربية ماتصلش بينا خالص ولما احنا بعد اسبوع كلمناة لاقيناة بيقول تعالوا كملوا المبلغ ال 27000 وبعدين هتاخدوا العربية فى خلال 4 ايام ...
انا دلوقتى مش عارفة اتصرف ازاى ؟؟؟ هل اكمل بقيت المبلغ و لا الوضع كدة مش مريــح ؟؟

[ahmed el gendy]

للاسف الواضح كده انك وقعتي ضحيه نصب كبيريعني سيادتك اولا هتقسطي 30 الف علي 5 سنين تدفعيهم 57 الف يعني تقريبا الفايده شعف المبلغ يعني ممكن نقول الفايده السنويه 20% من المبلغ ده ف عرف مين يعني دا البنك الدولي اللي بيسلف مليارات مش بياخد فايده 20% سنويه انتي معاكي مبلغ مش قليل عشان تدفعيه مقدم لعربيه زيرو وتقسطي الباقي والفايده عمرها ما هتزيد باي حال من الاحوال عن 8% مش 20 %
ومن بجاحته عاوز تكملي المبلغ 27 الف وتستني اربع ايام تاخدي عربيتك والاربع ايام ممكن يوصلوا لاربع سنين الخلاصه هو واخد فايده وهميه وده نصب و اخد عربون لمده طويله وانتي ما استفدتيش به يا ريت تكلمي اي حد من عمامك او اولاد عمامك ويكون جدع وشهم ويروح يتخانق معاه وياخد العربون تاني وادفعيه مقدم سياره زيرو مش هتصرفي عليها مليم
انا بصراحه مستغرب جدااا ازاي هتدفعي مقدم 27 الف وتقسطي 30 الف وياخدهم57 الف يعني كده العربيه وقفت عليكي ب 84 الف
طب ايه رايك اني دافع ف عربيتي الفيرنا 2013 مقدم 9 الاف فقط ومقسط 65 الف علي 5 سنين وقسطي 1450 جنيه يعني ال65 الف هيرجعوا 87 الف يعني انا مقسط مبلغ اكتر من ضعف المبلغ اللي سيادتك مقسطاه ومع زلك الفرق اللي هادفعه اقل من اللي انتي هتدفعيه لو قسطتي مع الراجل الحرامي ده وبالمناسبه البنك عامل عرض للشركه بتاعتي ف المقدم علي اني اخد عربيه بمقدم بسيط لكن البنك مش عمل تخفيض للشركه ع الفايده

تخيلي بقي لو جبتي لانوس زيرو ودفعتي ال 27 الف وقسطتي ال 50 الف الباقيين هتلاقي فرق الفايده والله ما هيوصل ابداا 19 الف مش الحرامي اللي عاوز ياخد 27 الف فايده لل 30 الف قسط واسمك راكبه عربيه زيرو محدش حط رجله فيها قبلك ومش محتاجه جنيه مصاريف ولا اعطال ولا غيره وتختاري العربيه اللي تعجبك واللون كمان اللي تحبيه
اللهم بلغت اللهم فاشهد انا نصحتك ولكي حريه التصرف

[SAMAR FAWZI]

المشاركة الأصلية كتبت بواسطة ahmed el gendy للاسف الواضح كده انك وقعتي ضحيه نصب كبيريعني سيادتك اولا هتقسطي 30 الف علي 5 سنين تدفعيهم 57 الف يعني تقريبا الفايده شعف المبلغ يعني ممكن نقول الفايده السنويه 20% من المبلغ ده ف عرف مين يعني دا البنك الدولي اللي بيسلف مليارات مش بياخد فايده 20% سنويه انتي معاكي مبلغ مش قليل عشان تدفعيه مقدم لعربيه زيرو وتقسطي الباقي والفايده عمرها ما هتزيد باي حال من الاحوال عن 8% مش 20 % ومن بجاحته عاوز تكملي المبلغ 27 الف وتستني اربع ايام تاخدي عربيتك والاربع ايام ممكن يوصلوا لاربع سنين الخلاصه هو واخد فايده وهميه وده نصب و اخد عربون لمده طويله وانتي ما استفدتيش به يا ريت تكلمي اي حد من عمامك او اولاد عمامك ويكون جدع وشهم ويروح يتخانق معاه وياخد العربون تاني وادفعيه مقدم سياره زيرو مش هتصرفي عليها مليم انا بصراحه مستغرب جدااا ازاي هتدفعي مقدم 27 الف وتقسطي 30 الف وياخدهم57 الف يعني كده العربيه وقفت عليكي ب 84 الف طب ايه رايك اني دافع ف عربيتي الفيرنا 2013 مقدم 9 الاف فقط ومقسط 65 الف علي 5 سنين وقسطي 1450 جنيه يعني ال65 الف هيرجعوا 87 الف يعني انا مقسط مبلغ اكتر من ضعف المبلغ اللي سيادتك مقسطاه ومع زلك الفرق اللي هادفعه اقل من اللي انتي هتدفعيه لو قسطتي مع الراجل الحرامي ده وبالمناسبه البنك عامل عرض للشركه بتاعتي ف المقدم علي اني اخد عربيه بمقدم بسيط لكن البنك مش عمل تخفيض للشركه ع الفايده تخيلي بقي لو جبتي لانوس زيرو ودفعتي ال 27 الف وقسطتي ال 50 الف الباقيين هتلاقي فرق الفايده والله ما هيوصل ابداا 19 الف مش الحرامي اللي عاوز ياخد 27 الف فايده لل 30 الف قسط واسمك راكبه عربيه زيرو محدش حط رجله فيها قبلك ومش محتاجه جنيه مصاريف ولا اعطال ولا غيره وتختاري العربيه اللي تعجبك واللون كمان اللي تحبيه اللهم بلغت اللهم فاشهد انا نصحتك ولكي حريه التصرف

هو قالى ان 27000 دول عبارة عن ( 23000 مقدم ) والباقى 4000 عبارة عن تأمين للعربية و تخليص اجراء المرور والرخصة والحوارات دى والموضوع كمان انها من ملاكى البحيرة مش ملاكى اسكندرية يعنى اكيد مطبات بقة ودنيا ملهاش اخــر ..انا مامتى قالتى نجيب زيرو بس انا اللى قولت لاء عشان ماخبطهاش وازعل عليها
بس كلامك هيخلينى افكر تانى .... شكرا لردك اوى

[ahmed el gendy]

المشاركة الأصلية كتبت بواسطة SAMAR FAWZI هو قالى ان 27000 دول عبارة عن ( 23000 مقدم ) والباقى 4000 عبارة عن تأمين للعربية و تخليص اجراء المرور والرخصة والحوارات دى والموضوع كمان انها من ملاكى البحيرة مش ملاكى اسكندرية يعنى اكيد مطبات بقة ودنيا ملهاش اخــر ..انا مامتى قالتى نجيب زيرو بس انا اللى قولت لاء عشان ماخبطهاش وازعل عليها بس كلامك هيخلينى افكر تانى .... شكرا لردك اوى

لالا فكري كويس فيه عربيات مستعمله عامله حوادث كبيره وبتتصلح تاني ولا الجن الازرق يعرف انها عامله حادثه نصيحه اخيره ليكي والنصايح دي بفلوووووس لو هتجيبي عربيه مستعمله اطلبيها تكون مش رشه بره يعني بدوكو المصنع بتاعها كده تضمني ان العربيه مش عامله حادثه لان العربيه لو موتورها بايظ هرميه ف الزباله واشتري موتور ب 5 الاف وخلاص وكزلك العفشه لكن العربيه لو مغيره نص لا قدر الله ملهاش حل غير انك تشوفي لها بيعه واعتقد سهل جدا تجيبي عربيات موديلات من 2008 لاعلي مش رشه بره خااالص لكن تقولي لي عربيه 2010 ورشه بره يبقي ببلاش منها لانها ملحقتش يعني تتملي خرابيش خفيفه

[AMMI]

هاتى زيرو طبعا لان اللى انت جايباها موديل 2010 يعنى هتزعلى عليها برضه لو خبطتيها
تانى حاجه لما تجيبى زيرو ابقى امنى عليها وابقى خبطى فيها براحتك
رجعى فلوسك واطلعى على معرض كبير زى سمير ريان هتاخد عربيتك وهيساعدك فى ترخيصها وتامينها
وبالتوفيق
او اى معرض كبير فى الاسكندريه