|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
 |
|
|
أدوات الموضوع |
|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
|
|
أدوات الموضوع |
|
#1
08-07-2013, 09:44 PM
|
||||
|
||||
الاذاعة الشعبية الموحدة لقائدى السيارات على الطريق 89.4 FM
سلام عليكم
الموضوع ده محتاج يتعمم و يتثبت لو عجبكم يعنى القصه ايه :- دلوقت احنا على الطريق وقت الزحمه و وقت السفر كمان بنواجه اكبر مشكلتين 1- اتخاذ قرار خاطئ و بيحصل قفلات مرورية تحفه 2- النوم فى طريق السفر تحت تأثير الملل 3-التعرض للخطر فى طرق السفر نتيجة تعطل العربية فجئة و عدم القدرة على تنبيه من حولك بما يحدث معك  نعمل ايه نعمل ايه ايه الحل بسيط و رخيص و عملى جدا ايه رأيكم لو نتكلم كلنا مع بعض عن طريق الاسلكى على موجة الأف ام و يكون لكل عربية اسم مبنى على اول تلت حروف من اسمها  طيب ازاى الخطوات بسيطة 1- تشترى اف ام ترانسميتر من اى محل قطع غيار الكترونية او محل صوتيات او محل قطع الكترونية فى شارع باب اللوق و الفالكى و التحرير او اى شارع فيه الحاجات دية سعرها 20 ج مداها 500 متر لو انت غاوى ممكن تصنعه المهم اللى هتصنعه او هتشتريه خلينا نتفق على تردد اف ام 89.4 للراديو عشان نعرف نتكلم بس مع بعض   2-بسيطة بقى هتثبت ال الاف ام ترانسميتر فى اى حته قريبه منك تظبط الراديو بتاع كاست العربية على ازاعة الاف ام من اول 89 و تبداء تطلع فى الاجزاء الصغيرة فى الاخر هيظبط معاك على 89.4 طبعا لو اتكلمت فى الترانسمير ساعتها هتسمع صوتك فى العربية و لو عامل ساوند سيستم الشارع كله هيسمعك (حمار و حلاوه يا بطيخ )  لكن من هو ده الغرض الغرض بقى انى عارف بموضوع الاذاعة هيكون فاتح برضو على ال 89.4 اف ام فهيسمعك فى عربيته و لو هو معاه ترانسميتر هيكلمك و تكلمه و ممكن تتصاحبو و تطلعو على مطعم ولا حاجه و ساعتها تقدرو تحلو مشاكل الزحمه مع بعض و تدردشو على الطريق لحد اما توصلو و محدش ينام ولا يحس ان هو لوحده و محدش يتفاجئ بمطب 3- مهمتك تنشر الفكرة بين المجتمع المصرى زى ما نشرتو فكرة سيئة زى الديفل و الازعاج بتاعه ممكن تنشرو فكرة تفيد الناس ببوستر بسيط حد يصممه بشكل احترافى و صغير كده بس يكون متشاف و تحطه على شنطة العربية من ورا بحيث ان اللى ميعرفش يعرف و طبعا يجى دور المنتدى هنا انه لو تولى الدعايا للموضوع هيتحط اللوجو بتاعه على البوستر ده  بالمناسبة لهواة الصوت العالى ممكن تحط ده جمب الموتور و تفتح الساوند سيستم على اخره و تشغل العربية و الناس هتسمع موتور عربيتك من كل حته بس مليش دعوه لو اتقبض عليك  و انتظرو موضوع جديد بقى بعد ما ارسى على بر فى موضوع اللى بدور على اجزائه " حول عصاية فتيسك لعصاية مهمات خاصة " 
__________________
|
|
#2
08-07-2013, 10:00 PM
|
||||
|
||||
رد: الاذاعة الشعبية الموحدة لقائدى السيارات على الطريق 89.4 FM
السلام عليكم
الله ينور بس معلش شوية شرح وتوضيح والله المستعان
__________________
   صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين  سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
|
#3
08-07-2013, 10:15 PM
|
||||
|
||||
رد: الاذاعة الشعبية الموحدة لقائدى السيارات على الطريق 89.4 FM
و عشان تستقبل هتظبط راديو العربية على 89.4 اى حد فاتح الموجة دية فى مجالك هيسمعك و اى حد بيتكلم فى مجالك هتسمعو و تقعدو تتكلمو مع بعض بعدد غير محدود ممكن الحارات كلها تقد تحكى مع بعض طالما فى الرينج و عيش بقى
__________________
|
|
#4
08-07-2013, 10:30 PM
|
||||
|
||||
|
رد: الاذاعة الشعبية الموحدة لقائدى السيارات على الطريق 89.4 FM
الله ينور فكرة أكثر من رائعه
|
|
#5
17-07-2013, 03:55 PM
|
|||
|
|||
|
رد: الاذاعة الشعبية الموحدة لقائدى السيارات على الطريق 89.4 FM
هل ينفع ال إف ام ترنسميتور اللي بشغل عليه الفلاشة وبيركب ع الولاعه
__________________
Magdy Moharam
لا نفع للمال اذا كانت النفس فقيرة ولا ضرر من الفقر اذا كانت النفس غنية تلاوة رائعه للشيخ / احمد العجمى http://www.megaupload.com/?d=LGN69J4S
|
|
|
|
