نسخة تجريبية مطلوب شريك فى التنفيذ :- نظام تربو رباعى تتابعى معزز بالاكسجين المبرد

[ramy safwt]

سلام عليكم

الموضوع المره دية مختلف و معرفش الصراحة اذا كنت هلاقى تعاون هنا ولا لا لكن انا هحطه على كذا منتدى و اشوف مين هيتعاون


لما كنت قاعد بشوف تصميم و فكرة عمل النيتروز لقيت ان اهم عاملين عندهم بعد التحكم فى معدلات الحقن و التوقيت و خلافه هيا برودة الغاز و كمية الاكسجين المنتجة من تفكيكه لتعزز عملية الاحتراق

فكرت شوية و قررت اصمم نظام احدث و تكاليفه ارخص من النظام ده و فى نفس الوقت مفيش مشاكل عليه او خطورة منه

ببساطة هستخدم تقنية تبريد معينة ابرد بيها غاز الاكسجين و احقنه على تربو تتابعى بطريقة معينة بحيث انى اتحكم فى نسبة وجود الاكسجين فى الهواء الى داخل كام بالظبط

مميزات النظام الجديد

1- تكلفة تانك الاكسجين ارخص بكتير جدا من النيتروز
2-تحكم كامل فى نسبة الاكسجين فى الهواء
3- النظام بالكامل يعمل بالكهرباء على البطارية مش هنحتاج اى تحميل على سيور الموتور
4-تحكم فى درجة حرارة الغاز - تحكم فى نسبة الاكسجين - تحكم فى كمية الهواء الداخل - و طبعا برمجة كاملة عشان يتحدد هيشغل كل قطعة امتى بدون ما يقتل الموتور
5-قانونى 100% - و غير خطر زى النيتروز
6- مفيش اى تعديل هيتعمل فى بلوكة الموتور او غرف الوقود لأننا نهدخل من فاتحة الهواء
7-قوة حصانية هائلة لو نجح هيكون اقوى نظام تعزيز صنع حتى الأن
8-تكلفته مش كبيره
عيوبه

1- الموضوع لسه جديد و انا معرفش مدى تطابق الارقام النظرية مع الواقع العملى للمواتير
2- حجمه كبير
3-صوته عالى
4-هنكون مطرين ناخد مكان فى الشطنة العربية للتانكات او تحت كرسى اليمين الامامى
5-مش هينفع باى حال من الاحوال على المحركات الصغيرة زى حالاتى من اول 2000 سى سى و انت طالع
6-هتحتاج اعادة ضبط كاتينا عشان تتناسب مع التعديل
7-غير مناسب للمبتدئين لأنه ببساطة لو اختار مود تشغيل غلط يا هيخنق المكنة يا هيبوظ فيها حاجه
8-هيحتاج بطارية 100 امبير عشان يبقى مستريح و هو شغال


دية صورة التكنولوجى الجديدة




ده فيديو 360 درجة يوضح شويه عن التصميم

http://youtu.be/yQBW2TZspdw



انا طالب ببساطة حد عنده موتور 2000 سى سى قديم كان فى عربيته و غيره جابه استيراد من غير ورق مركون عنده بأى شكل من الاشكال


هجرب عليه النظام ده و ابداء انفذ عليه و هيكون فى شراكه بينى و بينه فى العائد المادى من المشروع ده - مفيش شراكه فى الملكية الفكرية - و هيكون فى اتفاق رسمى و عقد و اتفاقية عدم افصاح تضمن حق كل واحد انا كل اللى محتاجه موتور سليم عشان مقعدش اضيع وقت كمان فى شراء خرده و تصليحه اى تكاليف تانية انا هغطيها


تحياتى اللى مهتم او يعرف حد مهتم ممكن يرد على الموضوع او يراسلنى

[Hisham.Elgazzar]

حمدى مخترع المانيوال بدون دبرياج
حمدى مخترع مانيوال بدون دبرياج الفنى المبتكر العبقرى !

http://www.masrmotors.com/vb/member.php?u=125994

[hyundai 2005]

موجود يا كبير وتحت الامر والطلب بس مش متأكد من حاله الموتور ممكن يكون عايز شويه صيانه لانه مركون من مده الموتور ليجانزا 2000 cc وليا الشرف اني اكون متعاون مع شخص محترم زيك

[ramy safwt]

المشاركة الأصلية كتبت بواسطة hyundai 2005 موجود يا كبير وتحت الامر والطلب بس مش متأكد من حاله الموتور ممكن يكون عايز شويه صيانه لانه مركون من مده الموتور ليجانزا 2000 cc وليا الشرف اني اكون متعاون مع شخص محترم زيك

الله يخليك

لو الصيانة دورية تنضيف للمكنة و البساتم و الهيد و السيور و غرف الحرق و الجوانات ده مش مشكلة افورو خالص و انضفه حته حته و اغير السيور دية و الزيت كلها لكن لو في قطع هتتغير هيكون تكلفة اضافية على تكاليف التجربة فده هيكون صعب

على حسب ما شوفت على النت الموتور ده 4 سلندر مالتى بوينت انجكشن صححلى المعلومة لو وصلت غلط

قولى مكانك فين و خلينا نتكلم نتفق على التفاصيل و نتفق على صياغة قانونية مناسبة ما بينا و نتقابل نشرب الشاى و نوقع و اجيب معايا عربية تنقل الموتور لحد عندى عشان ميبقاش حمل على العفشة

شكرا ليك و لعله خير

[AbOnOrA]

بالتوفيق يا شباب