هل المنظومة دى صح ولا عندى مشكلة فى العربية فيرنا

[memodina1]

السلام عليكم ورحمة الله
العربية فيرنا 2007 مانيوال
عادتا لما التكييف يشتغل لازم يشتغل عدة ثوانى ثم يفصل ويرجع يشتغل تانى وهكذا
الموضوع بقى انى التكييف سرعات 1\2\3\4 بكر مش تتش
السرعة الاولى الكمبروسور اللى فى الكبوت اللى راكب معاة سير التكييف دا لما اشغل التكييف مع السرعة الاولى الكمبوريسور يشتغل ويفصل اتوماتيك لو انا سلانسية مش ماشى بالعربية ومش دايس بنزين نهائى وبرضة بيفصل ويشتغل كل عدة ثوانى وانا ماشى بالعربية او ممور ودايس بنزين
اما السرعة الثانية والثالثة التكييف مبيفصلش خالص الا لو دوست بنزين وابتديت اتحرك بالعربية يقوم يشتغل ويفصل ويشتغل ويفصل لكن لو العربية وافقة ومش دايس بنزين يفضل شغال على طووول بدون فصل
اما السرعة الرابعة مش بيفصل نهائى سلانسية او ماشى او حارق او اى حاجة بيشتغل على طوووووول
سؤالى هل دا الصح فى العربيات الفيرنا ولا انا عندى مشكلة
اسف على الاطالة وشكرا لكم جميعا

[احمد على 1999]

الموضوع يكاد يكون متشابه مع ال i10
مش عايز افتى فى الفيرنا
بس شكلها الهيونداى كدا كله و لا ايه ؟

[memodina1]

المشاركة الأصلية كتبت بواسطة احمد على 1999 الموضوع يكاد يكون متشابه مع ال i10 مش عايز افتى فى الفيرنا بس شكلها الهيونداى كدا كله و لا ايه ؟

انا بشكرك يا استاذ احمد وانا عارف انى حضرتك جاوبتنى فى الموضوع دا قبل كدة انا قولت اخد راى كل الناس اللى معاها فيرنا واشوف
وحضرتك عارف التكييف اليومين دول مهم جدا فى العربية يكاد يكون اساسى بالذات فى رمضان كل عام وانتم بخير فلازم الواحد يهتم بية جدا
شكرا ليك مرة تانى

[crime]

لاء كده فيه حاجه غلط ولازم تكشف ع العربيه قبل ما العيب يكبر

تقبل تحياتى

[memodina1]

المشاركة الأصلية كتبت بواسطة crime لاء كده فيه حاجه غلط ولازم تكشف ع العربيه قبل ما العيب يكبر تقبل تحياتى

طيب لو دا غلط اية الصحيح عشان حتى لما اسال ابقى عارف وياريت تكون متاكد لانى انت عارف شغل الصناعية لو رحت ومش عارف بالضبط اية المشكلة ممكن يغيرولى التكييف كلة وشكرا لمساهمتك