شوية أستفسارات ميكانيكية

[zing0]

السلام عليكم
أنا عندى شوية أسئلة أرجوا أن أجد حلها هنا:
1- العربية عندى مكتومة شوية.آخرها 105 و مستحيل تزود عن كده
رغم أنها كانت ممكن تعدى الـ 130 قبل كده
إللى حصل أنى حاولت ألعب فى الكهرباء و الكربراتير, و رحت ضبطهم و رجعت لعبت فيهم تانى, المهم بعد مليون محاولة فاشله, الحمد لله ضبطهم بحيث: مفيش دخنة عادم أسود من الشكمان, العربية مفيهاش كهرباء عالية, البوجيهات لا تهبب, من فضل الله.
بس السرعة مش عارف أعمل فيها أيه؟
- فلتر بنزين جديد, كربراتير لسه منضفه بالإسبراى أمبارح, و كذلك فلتر الهوا, و غيرت البوجيهات أمبارح بالمرة.>>> و لا كأن عملت أى حاجه.


2- هل إستهلاك البنزين طبيعى عندى؟
أنا عملت قياس المسافه مع الإستهلاك طلع 170 كم للصفيحه (جوه البلد)
لادا 1300 س س , بنزين 80

منتظر ردودكم

[sherifabden]

استهلاك البنزين معقول بالذات انها جوه البلد
اما بخصوص موضوع السرعة للاسف مش هقدر افيدك

[AbOnOrA]

هى العربيه ايه وعدادها عامل كام

[حمدى مخترع مانيوال بدون د]

1- اظبط الابلتين عالفلر 40 -2 اظبط البوجيهات 70 -3 نضف بك سرعة الباب الثانى للكربرتير او غيرو برقم اعلى البك يعنى الباب الثانى بتاع السرعة العاليه -- 4 راجع على علب الشكمان ممكن تكون مكتومة -5اظبط زواية - كل ده تعملو لو ما كنتش لعبت فالكاتينة قبل كدة اى خدمة واحشنى يا ابو نوارا

[zing0]

معلش أستحملونى
أنا أمبارح حسيت فعلاً بوجود سدد فى مسار البنزين
يا إما الخراطيم أو بيك السرعه إللى الأستاذ حمدى وصفه

بالنسبة للخرطوم يا إما أنضفه بالهواء المضغوط أو أغيره و خلاص.
بالنسبة لبيك السرعه, موجود فين بالضبط؟ عاوز أعرف أفكه من مكانه إزاى علشان أنضفه.

هل هو داخل الكربراتير و لا خارجى؟ و هل هو داخل البوابة التى ليس عليها باب؟
أرجو التوضيح