الزيـــــــــوت للماتركس ؟

[dodo66462]

السلام عليكم
انا معايا لافيتا 2002 وكنت عاوز اعرف اغير زيت موتور موبيل ولا اية ؟ ورقمة كام دى حاجة
الحاجة الثانية بالنسبة لزيت الفتيس الاوتوماتيك عاوز اعرف برضة رقمة ايه ؟
الكاتالوج بيقول atf sp iii
يا ترى النوع ده موجود فى السوق ولا لا

أتمنى ان محدش يقولى روح التوكيل انا ها اشتري الزيت وها اغيره انا.
وياريت اى حد عندة ماتركس يرد علينا ويقولنا تجربته مع الزيوت حتى تعم الفائدة للجميع
ولكم جزيل الشكر

[tham1010]

المشاركة الأصلية كتبت بواسطة dodo66462 السلام عليكم انا معايا لافيتا 2002 وكنت عاوز اعرف اغير زيت موتور موبيل ولا اية ؟ ورقمة كام دى حاجة الحاجة الثانية بالنسبة لزيت الفتيس الاوتوماتيك عاوز اعرف برضة رقمة ايه ؟ الكاتالوج بيقول atf sp iii يا ترى النوع ده موجود فى السوق ولا لا أتمنى ان محدش يقولى روح التوكيل انا ها اشتري الزيت وها اغيره انا. وياريت اى حد عندة ماتركس يرد علينا ويقولنا تجربته مع الزيوت حتى تعم الفائدة للجميع ولكم جزيل الشكر

أهلا وسهلا بيك... اولا الزيوت الناس مختلفة عليها يعنى كل واحد بيقول ان الزيت دة احسن حاجة ولكن الناس متفقة ان زيت شيل الاصفر زيت كويس وبخلى العربية صوتها واطى...وهو كمان الزيت اللى بيستخدمة غبور فى التوكيل. جيب زيت يقعد فى العربية 5000 كيلوا علشان تغيرة مثلا كل سنة. انت اكيد مش عارف إذا كان الزيت فى عربيتك دلوقتى تخليقى ولا نصف تخليقى ولا معدنى علشان كدة احسن تخليك فى المعدنى اللى بيقعد 5000 كيلوا وتقلبة. طبعا تابع مستوى الزيت كل كام اسبوع. أنا شخصيا هغير للزيت الشيل المرة القادمة.. انا دلوقتى مستخدم زيت فيسكوا 2000 سعرة متواضع جدا ولكن صوت الماتور الاول مع الزيت اللى كان فى العربية من كوريا كان افضل.

اما عن زيت الفتيس الاتوماتك ففى زيت الناس كلها بتستخدمة اسمة mobil atf 320 هتاخد بتاع 3 لتر ونص ولو غيرت الزيت كله كله هتاخد بتاع 6 لتر ونصف. . ممكن من الزيت دة تغير كمان زيت البور ستيرينج... مش تنسى تغير الفلتر لو امكن بتاع الفتيس

[dodo66462]

المشاركة الأصلية كتبت بواسطة tham1010 أهلا وسهلا بيك... اولا الزيوت الناس مختلفة عليها يعنى كل واحد بيقول ان الزيت دة احسن حاجة ولكن الناس متفقة ان زيت شيل الاصفر زيت كويس وبخلى العربية صوتها واطى...وهو كمان الزيت اللى بيستخدمة غبور فى التوكيل. جيب زيت يقعد فى العربية 5000 كيلوا علشان تغيرة مثلا كل سنة. انت اكيد مش عارف إذا كان الزيت فى عربيتك دلوقتى تخليقى ولا نصف تخليقى ولا معدنى علشان كدة احسن تخليك فى المعدنى اللى بيقعد 5000 كيلوا وتقلبة. طبعا تابع مستوى الزيت كل كام اسبوع. أنا شخصيا هغير للزيت الشيل المرة القادمة.. انا دلوقتى مستخدم زيت فيسكوا 2000 سعرة متواضع جدا ولكن صوت الماتور الاول مع الزيت اللى كان فى العربية من كوريا كان افضل. اما عن زيت الفتيس الاتوماتك ففى زيت الناس كلها بتستخدمة اسمة mobil atf 320 هتاخد بتاع 3 لتر ونص ولو غيرت الزيت كله كله هتاخد بتاع 6 لتر ونصف. . ممكن من الزيت دة تغير كمان زيت البور ستيرينج... مش تنسى تغير الفلتر لو امكن بتاع الفتيس

========================= ======
الف شكر ليك يا باشا على الردود بس انا محتاج اعرف برضه لان المانوال بيقول ان زيت الفتيس atf spiii فهل الانواعى اللى هيا 320 مكافئة ليها ولا لا ثانيا انا خايف اغير زيت الفتيس ناس كتيير خوفتنى وبعدين شفت اكتر من مشاركة بيقولوا ان المشاكل ظهرت بعد تغيير زيت الفتيس .
هل انت غيرت زيت الفتيس والفلتر فى التوكيل ولا عند ميكانيكى والتكلفة كانت كام؟
اسف للاطالة وجزاك الله كل خير

[tham1010]

ايوة الزيت موبيل 320 مكافى للى مكتوب فى الكتالوج. انا شخصيا مش غيرت زيت الفتيس لان عندى مانيول مش اتوماتك. كذلك الفتيس عندى مش فى تسيرب ولا مشاكل يبقى ليه اغيره دلوقتى. انا شخصيا مش مشجع لتغير زيت الفتيس عندك اما باقى الزيوت والفلاتر فتتغير.

على فكرة اللافيتا كثير من مراكز الخدمة التابعة لغبور مش بترضى تشتغل فيها. أنا سألت مره مركز فى طنطا قال لى معلش مش بنشتغل إلا لعربيات غبور. ومركز تانى قال لى نشتغل بس على مسؤليتك....

[romeoalmansour]

فعلا بلاش تغير زيت الفتيس - مدام مفيش مشكلة
والله اعلي واعلم