عاجل:تسريب بنزين من تانك البرايد؟؟

[wael890610]

السلام عليكم ورحمه الله
النهارده لما دورت الصبح لقيت نقط بنزين بتنزل من التلت الاخير للعربيه من ناحيه الشنطه
الغريب بقه جدا انى لما اتحركت لحته نضيفه شويه علشان انزل تحت العربيه لقيت مكان البنزين واضح مكانه بينزل من فين بس مافيش ولا نقطه بتنزل تانى
المهم لما رجعت البيت من الشغل قولت لما ابص لقيت فى نقط بنزين تانى تحت العربيه
دلوقتى بقه ايه الخطوات اللى ممكن اعملها علشان اعرف العيب من الطرمبه ولا التانك لان العيب بيظهر ساعات وساعات وممكن لما اروح لميكانيكى الاقى البنزين بطل ينزل؟

[wael890610]

طيب مادام ماحدش لسه رد ارد انا بقه
صديقى افتى لى بانه هناك فايظ بنزين بعد الطرمبه ما تبعت للكربراتيير لو لقى ان البنزين زياده بيرجعه المفروض الى التانك تانى
المشكله ان فى فى الراجع ده ممكن يكون فك او اتخرم
وفسرلى ان لما جيت اشغل العربيه الصبح لقيت بنزين وبعدين اختفى انى بدوس دوستين بنزين قبل ما ادور الصبح فبيكون فى بنزين زياده شويه ويرجع للفايظ ده
وبعدين المشكله بتختفى لما اتحرك لان مافيش فايظ زياده
هل الكلام ده منطقى وصيحيح ؟؟؟؟؟؟؟؟؟؟؟

[wael890610]

تم انزال التانك وغسله والبحث عن مصدر التسريب
والمفاجاه انها كان مكان فى العوامه (انا مش عارف ازاى ) المهم البنزين مابقاش بينزل دلوقتى والدنيا بقت تمام
وده تفسير الميكانيكى لان البنزين كان نازل من فوق التانك مش مدقور من تحت ومخروم

[AbOnOrA]

معلش يا وائل اليومين اللى فاتو مطحون فى السيرفر والتعديلات فى المنتدى مخدتش بالى من استفسارتك خالص سامحنى معلش والحمد لله انها اتظبتت وتسلم على الافادة ونقل التجربة

[wael890610]

بالتوفيق يا باشا , واحنا شايفين ومقدرين المجهود .
بس سؤال بقه , ليه حضرتك رجعت للاستايل الافتراضى , هو الاستايل اتهكر ولا ايه ؟